قازاقستان سالتانات قاراۋىلى بەيجيڭدە جاتتىعۋ جاساۋدا

2015.08.27 15:25   كەلۋ قاينارى : حالىق تورابى

　　حالىقارالىق لەنيا حابارى. (نۇرداۋلەت) بەيجيڭ قالاسىنىڭ چاڭپيڭ رايونىنداعى اسكەري پاراتقا جاتتىعۋ ورنىنا بارعان ءتىلشى 26 – تامىز كۇنى سول ارادا جاتتىعۋ جاساپ جاتقان قازاقستان سالتانات قاراۋىلىنداعى كومانديرلەر مەن جاۋىنگەرلەردى كوردى، ولار الدا جۇڭگو حالقىنىڭ جاپون شاپقىنشىلارىنا قارسى سوعىس جەڭىسى مەن دۇنيە ءجۇزىنىڭ فاشيزمگە قارسى سوعىس جەڭىسىنىڭ 70 جىلدىعىن ەسكە ءتۇسىرۋ بايلانىسىمەن وتكىزىلەتىن اسكەري پاراتقا قاتىناسادى.

　　قازاقستان قارۋلى كۇشتەرىنىڭ قۇرىلىق، اۋە، تەڭىز ارميا سالتانات قاراۋىلى 17 – تامىزدا بەيجيڭگە جەتىپ، سودان بەرى جاپالى جاتتىعۋ جاساۋدا. قۇرمەت قاراۋىلى جاۋاپتىسىنىڭ ايتۋىنشا، قازاقستاننان اسكەري پاراتقا قاتىناسۋعا كەلگەن قۇرمەت قاراۋىلى كومانديرلەر مەن جاۋىنگەرلەر بولىپ 80 ساربازدان قۇرام تاپقان، قوسىنداعى ءاربىر سارباز قاتاڭ سارالاۋدان وتكەن، بويلارىنىڭ بيىكتىگى 185 سانتيمەتردەن اسادى، تۇگەل 35 جاستان تومەن. ول بىلاي دەدى: بۇل مەنىڭ تۇڭعىش رەت حالىقارالىق ءىرى اسكەري پاراتقا قاتىناسۋىم، 3 – قىركۇيەك جۇڭگو مەن قازاقستان ەكى ەل حالقى ورتاق تويلايتىن كۇن، تاريحتى استە ۇمىتپايمىز، ءبىزدىڭ اتالارىمىز فاشيزمگە قارسى سوعىستا تىزە قوسا شايقاس جۇرگىزگەن، 3 – قىركۇيەكتە ءبىز ماقتانىش پەن داڭق سەزىمى كەۋدەمىزدى كەرنەي تيان – انمىن الاڭىنان سالتاناتپەن ءجۇرىپ وتەتىن بولامىز.

　　كەلۋ قاينارى: حالىق تورابى