قارامايلى مۇناي الابى بايقالعانىنىڭ 60 جىلدىعىن قۇتتىقتاۋ قيمىلى وتكىزىلدى

2015.08.31 16:15   كەلۋ قاينارى : حالىق تورابى

　　حالىق تورابى، 31 – تامىز، بەيجيڭ. ءتاڭىرتاۋ تورابىنىڭ حابارلاۋىنشا، قارامايلى مۇناي الابى بايقالعانىنىڭ 60 جىلدىعىن قۇتتىقتاۋ ءماجىلىسى 30 – تامىزدا قارامايلى قالاسىنداعى مادەنيەت سارايىندا وتكىزىلدى. شينجياڭ ۇيعۇر اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ، جۇڭگو مۇناي – تابيعي گاز سەرىكتىك توبىنىڭ، جۇڭگو مۇناي – حيميا ونەركاسىبى سەرىكتىك توبىنىڭ، جۇڭگو تەڭىز – مۇحيت مۇناي الابى سەرىكتىگىنىڭ قاتىستى باسشىلارى. ءار سالادان كەلگەن قۇرمەتتى قوناقتار جانە قالاداعى ءار ۇلت جۇمىسشى – قىزمەتكەرلەرى قارامايلى مۇناي الابىنىڭ دامۋ بارىسىنداعى شۇعىلالى كەشىرمەلەرىن بىرگە ەسكە الىپ، قارامايلى مۇناي الابىنىڭ دامۋ مەن وركەندەۋدەگى جارقىن بولاشاعىنا كوز تاستادى.

　　قۇتتىقتاۋ قيمىلىنا اۆتونوميالى رايوندىق ساياسي كەڭەس ءتوراعاسىنىڭ ورىنباسارى، اۆتونوميالى رايوندىق حالىق ۇكىمەتى پارتگرۋپپاسىنىڭ مۇشەسى، اۆتونوميالى رايوندىق پارتكوم رەفورمالاۋ كەڭسەسى مەڭگەرۋشىسىنىڭ ۇنەمىلىك ىستەرگە جاۋاپتى ورىنباسارى ليۋ جيانشين قاتىناسىپ، اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتى اتىنان قارامايلى مۇناي الابى بايقالعانىنىڭ 60 جىلدىعىن قىزۋ قۇتتىقتادى ءارى قارامايلىداعى ءار ۇلت كادرلارى مەن بۇقاراسىنان، ءار سالا قايراتكەرلەرىنەن، قارامايلى مۇناي الابىندا ەرەن ەڭبەك ەتىپ جاتقان ءار ۇلت مۇنايشىلارىنان شىن ىقىلاسپەن حال سۇرادى.

　　كەلۋ قاينارى: حالىق تورابى