قازاقستاندىق جوبالاۋشى ازيا – ەۆروپا ءسان اپتالىعىنا 4 – رەت قاتىناستى

2015.08.31 16:32   كەلۋ قاينارى : حالىق تورابى

　　حالىق تورابى، 31 – تامىز، بەيجيڭ. ءتاڭىرتاۋ تورابىنىڭ حابارلاۋىنشا، ءۇرىمجى دىحۇي حالىقارالىق كيىم – كەشەك بازارى كورمە ورتالىعىندا وتكىزىلگەن 4 – كەزەكتى ازيا – ەۆروپا جىبەك جولى كيىم – كەشەك فەستيۆالىنىڭ 2015 – جىلعى ازيا – ەۆروپا ءسان اپتالىعىنا قازاقستاندىق كيىم – كەشەك جوبالاۋشى ايدارحان قاليەۆ ءوزى جوبالاعان ءساندى كيىمدەردى اكەلدى. ونىڭ ءساندى كيىم تۋىندىلارىندا قازاقتىڭ ۇلتتىق كيىم – كەشەك ەرەكشەلىگى مەن وسىزامانعى كەڭ تارالعان كيىم – كەشەك ۇلگىلەرى سايكەسىم تاپقان.

　　ايدارحان قاليەۆ وسىمەن ءىزىن قۇرعاتپاي 4 – رەت ازيا – ەۆروپا كيىم – كەشەك ءسان اپتالىعىنا ءوزى جوبالاعان كيىمدەردى قاتىناستىرىپ وتىر، ءار جولى قاتىناستىرعان كيىم – كەشەكتەرىنىڭ ۇلگىسى ءار ءتۇرلى. بۇل كيىم – كەشەكتەر قازاقستاندا ساتىلىم مولشەرى ءبىرشاما جوعارى ايگىلى ماركالى كيىم – كەشەكتەر ەسەپتەلەدى.

　　ايدارحان قاليەۆ قازاقستان «اسەل» ءساندى جوبالاۋ ءۇيىن قۇرۋشى ءارى جوبالاۋ باس باقىلاۋشىسى، دوكتورلىق عىلمي اتاعى بار، شينجياڭ كيىم – كەشەك سالاسى بىرلەستىگىنىڭ جوعارى دارەجەلى اقىلشىسى. «اسەل» ءسان ءۇيى قۇرىلعان 20 جىلدان بەرى، ايدارحان 60تان استام جەلىلەس كيىم – كەشەكتەردى جوبالادى، بۇل كيىم – كەشەكتەر فرانسيا، گەرمانيا، انگليا، رەسەي، تۇركيا جانە ءۇندىستان قاتارلى ەلدەردە وتكىزىلگەن حالىقارالىق ءسان اپتالىقتارىندا كورسەتىلگەن. ول جوبالاعان «ASPARA» جانە «AIDARKHAN» ماركالى كيىم – كەشەكتەر حالىقارادا جوعارى بەدەلگە يە.

　　كەلۋ قاينارى: حالىق تورابى