قازاقستاندا جۇڭگو كينو اپتالىعى باستالدى

2015.09.11 16:12   كەلۋ قاينارى : حالىق تورابى

　　جۇڭگو مەملەكەتتىك اقپارات – باسپا ءسوز، راديو – تەلەۆيزيا باس مەكەمەسى باستىعىنىڭ ورىنباسارى لۋان گوجى ءسوز سويلەۋدە.

　　حالىق تورابى، 10 – قىركۇيەك، الماتى. قازاقستاندا جۇڭگو كينو اپتالىعى 9 – قىركۇيەكتە الماتى قالاسىندا باستالدى. بۇل رەتكى قيمىلدى جۇڭگو مەملەكەتتىك اقپارات – باسپا ءسوز، راديو - تەلەۆيزيا باس مەكەمەسىنىڭ كينو مەكەمەسى، جۇڭگونىڭ الماتىدا تۇراتىن باس كونسۋلحاناسى جانە قازاقستان كينو توبى بىرلىكتە ۇيىمداستىرعان، 3 كۇنگە جالعاساتىن قيمىلدا «ناعىز ماحاببات»، «باتىسقا ساپار – اسپان سارايىندا قيعىلىق سالۋ»، «ءبىر ءداۋىردىڭ عۇلاماسى» قاتارلى جۇڭگودا تۇسىرىلگەن 6 كينو قويىلادى.

　　جۇڭگونىڭ الماتىدا تۇراتىن باس كونسۋلى جاڭ ۋەي باستالۋ سالتىندا سويلەگەن سوزىندە: قازاقستاندا جۇڭگونىڭ كينو اپتالىعىن وتكىزۋ جۇڭگو – قازاقستان حالقىنىڭ ءوزارا تۇسىنىستىك پەن دوستىعىن تەرەڭدەتۋگە جاسالعان ناقتى شارا، قويىلعان فيلىمدەردەن كورەرمەندەر جۇڭگونىڭ جاي بۇقاراسىنىڭ كۇندەلىكتى تۇرمىسىنداعى اشتى – تۇشتىنى بىلۋدەن سىرت، جۇڭگونىڭ قيىن – قىستاۋعا تولى تاريحى مەن ۇشقان قۇستاي دامىعان بۇگىنگى كۇنىن ۇعىنادى، وسىلايشا، جۇڭگونى اناعۇرلىم جان – جاقتىلى، جاندى تۇردە تانىپ جەتەتىن بولادى.

　　كەلۋ قاينارى: حالىق تورابى