سۋرەت 13 – قىركۇيەكتە چۇڭچيڭدەگى تىك ۇشاق قۇلاۋ شىرعالاڭى تۋىلعان جەردەن تۇسىرىلگەن.
سول كۇنى ساعات 13تە چۇڭچيڭدە جالپىلىق تىك ۇشاق قۇلاپ، ۇشاقتاعى 4 ادام تۇگەل قازا بولدى. ۇعىسۋعا قاراعاندا، B-7702 ءنومىرلى بەلل 407GX تىك ۇشاعى چۇڭچيڭ قالاسىنىڭ ۋانجوۋ رايونىنان لياڭپيڭ اۋدانىنا دەيىن اۋدەن كەسكىنگە الۋ مىندەتىن اتقارىپ جۇرگەندە كەنەتتەن جەر بەتىمەن بايلانىسى ۇزىلگەن. سول كەزدە تىك ۇشاقتا جۇرگىزۋشى، كومەكشى جۇرگىزۋشى جانە ۇشاقپەن مىندەت اتقارىپ جۇرگەن 2 ادام بولىپ، جيىنى 4 ادام بار بولاتىن. ساعات 18دەن 30 مينۋت وتكەندە، ىزدەستىرۋشى قىزمەتكەرلەر تىك ۇشاقتىڭ لياڭپيڭ اۋدانى پانلۇڭ قالاشىعى حۋساۋ قىستاعىنا قۇلاعانىن بايقاعان، تىك ۇشاقتاعىلاردىڭ بارلىعى قازا بولعان. قازىر قاتىستى تاراۋلاردىڭ ادامدارى شىرعالاڭ تۋىلعان جەرگە جەتىپ، شىرعالاڭدى تەكسەرۋدە جانە سوڭعى جۇمىستارىن ءبىرجاقتى ەتۋدە.
كەلۋ قاينارى: حالىق تورابى