حالىق تورابى ءتىلشىسى كەسەنگرمەن ارناۋلى سۇحپات قۇردى: «مەن شي جينپيڭ ءتوراعانىڭ ساپارى الەمنىڭ بەيبىتشىلىگىنە ۇلەس بولىپ قوسىلۋىن ءۇمىت ەتەمىن»

2015.09.14 16:20   كەلۋ قاينارى : حالىق تورابى

　　ا ق ش ەلىنىڭ بۇرىنعى مەملەكەت ىستەرى حاتشىسى كەسەنگردىڭ نيۋ - يورك قالاسىنداعى كەڭسەسىنىڭ قابىرعالارىنا حانزۋشا كوركەم جازۋلار، جۇڭگوشا سۋرەتتەر جىپىرلاتا ىلىنىسە، زالداعى كىتاپ سورەسى جۇڭگوعا قاتىستى كىتاپتارمەن تولتىرىلعان ەدى، بۇلاردىڭ كوبى حانزۋ تىلىندەگى كىتاپتار. 92 جاستاعى كەسەنگردىڭ اقىل – پاراساتى تاسقىنداپ، رۋحى اۋەلگىسىندەي جالىنداپ تۇر ەكەن. تىلشىمەن بولعان سۇحپات بارىسىندا ول كۇلىمسىرەي وتىرىپ، وتكەن عاسىردىڭ 70 – جىلدارىندا ماۋ زىدۇڭ توراعامەن بولعان قارىم – قاتىناسىن ەسكە ءتۇسىردى.

　　سۇحپاتتى قابىلداعان كەڭسەسىنىڭ ءبىر قابىرعاسىنا ءتورت تىرنانىڭ سۇلباسى تۇسىرىلگەن جۇڭگوشا سۋرەت ىلىنسە، ەندى ءبىر قابىرعاسىنا جەلدەي ەسكەن تۇلپارلاردىڭ جۇڭگوشا سۋرەتى ىلىنگەن ەكەن. «ءسىز جىلقى تۇلىگىن ۇناتاتىن بولدىڭىز عوي؟» دەپ سۇراعان تىلشىگە، كەسەنگر: «جۇبايىم نانسي جىلقى تۇلىگىنە قۇمارتادى» دەپ جاۋاپ بەردى. «ماۋ زىدۇڭ نانسيعا ەسكى دوسىنداي پوزيتسيا ۇستاناتىن ەدى» دەدى كەسەنگر. نانسي كەسەنگردەن بويشاڭ بولعاندىقتان، ماۋ ءتوراعا كەزىندە كەسەنگر ەرلى – زايىپتىمەن كەزىككەندە، «زايىبىڭ سەنەن بويشاڭ ەكەن» دەپ ايتقان ەدى، سوندا مەن: «بويى ما الدە، ويى ما» دەپ قايتارا سۇراعان ەدىم دەگەندى ەسىنە الدى.

　　شي جينپيڭ ءتوراعا تاياۋدا ا ق ش ەلىنە مەملەكەت ىستەرى ساپارىمەن بارماقشى، بۇل جۇڭگو – ا ق ش ەكى ەلىنىڭ قاتىناس تاريحىنداعى ماڭىزدى ىستەردىڭ بىرىنە اينالماق. سوڭعى جىلداردان بەرى شي جينپيڭ توراعامەن قارىم – قاتىناسى قويۋ كەسەنگر بىلاي دەدى: «مەن شي جينپيڭ توراعامەن تالاي رەت سۇحپات قۇردىم، ونىڭ شەشىم قابىلداۋ قۋاتى وتە كۇشتى ەكەن، ومىردەن تۇيگەندەرى دە كوپ كورىندى، مەنشە ول جۇڭگونىڭ ەڭ كورنەكتى باسشىلارىنىڭ ءبىرى».

　　كەلۋ قاينارى: حالىق تورابى