تۇركيانىڭ وڭتۇستىك شىعىسى شۇعىل جاعدايعا ءوتتى

ەلىمىزدىڭ تۇركيادا تۇراتىن باس ەلشىلىگى وسى وڭىرگە بارماۋدى ەسكەرتتى

2015.09.16 13:19   كەلۋ قاينارى : حالىق تورابى

　　2 – تامىز، تۇركيانىڭ شىعىسىنداعى اعرى ولكەسى، قوپارىلىس تۋىلعان قاراۋىل ورنىنىڭ استاڭ – كەستەڭى شىققان. (شينحۋا اگەنتتىگى \ فرانسيا اقپارات اگەنتتىگى)

　　حالىق تورابى، 16 – قىركۇيەك، بەيجيڭ. شينحۋا اگەنتتىگى «شينحۋا حالىقارا» ابونتىنىڭ حابارلاۋىنشا، جۋىردا كۋرد قارۋلى كۇشتەرى مەن تۇركيا ارميا – ساقشىلارى اراسىندا تۇركيانىڭ شىعىسى مەن وڭتۇستىك شىعىسىندا قاقتىعىس تولاستاماعاندىقتان، تۇركيانىڭ ءىشىنارا جەرلەرىندە جاعداي ۋشىعا ءتۇستى، جۇڭگونىڭ تۇركيادا تۇراتىن باس ەلشىلىگى 14 – قىركۇيەك كۇنى كەشتە ساياحات حاۋىپسىزدىگى ەسكەرتۋىن جاريالاپ، جۇڭگو ازاماتتارىنا قاتىستى ورىندارعا بارماۋدى ەسكەرتتى.

　　ۇعىسۋعا قاراعاندا، كۋرد قارۋلى كۇشتەرى مەن تۇركيا ارمياسى جانە ساقشى جاعى اراسىندا تۋىلعان قاقتىعىس سەبەبىنەن جۇزدەن استام اسكەر مەن ساقشى جانە بۇقارا قازا تاپقان، نەشە ءجۇز قارۋلى ەلەمەنت تۇركيا شەكاراسىنىڭ ءىشى – سىرتىندا اتقارىلعان لاڭكەستىككە قارسى ارەكەت بارىسىندا وققا ۇشقان. تۇركيا ۇكىمەتى شىرناق ولكەسىنىڭ جيزلاي ايماعىن قامتىعان شىعىستاعى وڭىرلەردە تۇنگى ءجۇرىس – تۇرىسقا تيىم سالدى.

　　ساراپشىلار «تۇركياداعى قازىرگى شيەلەنىسكەن جاعداي ۋشىعا ءتۇسۋى، وسى سەبەپتەن تۇركيادا، وتە – موتە، شىعىس بولەكتەگى وڭىرلەردە حاۋىپسىزدىك احۋالى قاتاڭ سىناقتارعا ءدۇپ كەلۋى، ءتىپتى، باسقا دا اۋىر زارداپتارعا سوعۋى مۇمكىن» دەپ قارايدى.

　　كەلۋ قاينارى: حالىق تورابى