بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

«چاۋشيان ۇلتىنىڭ ءانشىسى لان جياننىڭ جەكە ءان كەشى» بەيجيڭدە وتكىزىلدى

2015.09.21 13:39   كەلۋ قاينارى : حالىق تورابى



  حالىق تورابى، 21 – قىركۇيەك، بەيجيڭ. (رىن يىڭحۋا) جۇڭگو ۇلتتار ءان – ءبي ۇيىرمەسىنىڭ 2015 – جىلعى «داڭقپەن قاۋاشاق جارۋ» كۇزگى ويىن – ساۋىق ماۋسىمىنداعى ورتالىق ۇلتتار ءان – ءبي ۇيىرمەسىنىڭ ايگىلى كوركەمونەرشىلەرى جەلىلەس كونسەرتى اياسىنداعى «چاۋشيان ۇلتىنىڭ ايگىلى ءانشىسى لان جياننىڭ جەكە ءان كەشى» 19 – قىركۇيەكتە ۇلتتار تەاترحاناسىندا وتكىزىلدى. ۇلتتار كوميتەتى مەڭگەرۋشىسىنىڭ ورىنباسارى جۋدان اڭبىن، ارناۋلى مىندەتتى مۇشەسى گۋان پەيجۇن جانە مەملەكەتتىك ادەبيەت – كوركەمونەرشىلەر بىرلەستىگى ءتوراعاسىنىڭ ورىنباسارى دانزىڭ مۋزيكا كەشىنە قاتىناستى.

  ءان كەشى ورتالىق ۇلتتار ءان – ءبي ۇيىرمەسى ۇلتتىق تۇتىكتى – ىشەكتى اسپاپتار وركەستىرىنىڭ سۇيەمەلدەۋىندە لان جيان ايتقان «باقىت جولىنا قادام تاستاعاندا» اتتى انمەن باستالدى. ءان كەشىندە لان جيان ەۆروپاشا اۋەنمەن، ۇلتتىق مانەرمەن، ۇعىنىقتى كۇيمەن، درامما سازىمەن ءتۇرلى ستيلدەگى كوپ ۇلتتىڭ اندەرىن شىرقاپ، كوپتەن بەرى ءوزىن قولداعان كورەرمەنگە راحىمەتىن جەتكىزدى. ءان كەشىندە موڭعۇل ۇلتىنىڭ ايگىلى ءانشىسى، مەملەكەتتىك 1 – دارەجەلى ارتيس دىدىما ۇلى تالىمەن بىرگە ساحناعا شىعىپ، «كورىكتى جايلاۋ مەكەنىم»، «اتامنىڭ جايلاۋى، انامنىڭ وزەنى» قاتارلى اندەردى شىرقادى.

  لان جيان كوپتەن بەرى الەۋمەتتىك يگىلىك ىستەرىنە قاتىناسىپ كەلەدى، قازىر ول 96 بالانىڭ «اكەسى»، ول تۇرمىسىندا قيىنشىلىعى بار وسى بالالاردىڭ وقۋ قاراجاتىن بەرۋدەن سىرت، رۋحاني جاقتا ولارا زور مەدەت بەرىپ، ولاردىڭ اقاۋسىز ەسەيىپ – ەرجەتۋىنە كۇش سالۋدا. ءان كەشىنە وسى بالالارعا ۋاكىل رەتىندە 4 بالا قاتىناسىپ، لان جيانعا تەرەڭ سۇيىسپەنشىلىككە تولى ساۋعا ۇسىندى.

  ءار ۇلت انشىلەرىنىڭ كوڭىلدى قادامىمەن ىلەسە، لان جيان شىرقاعان «جۇڭحۋا ءبىر وتباسىداي» دەگەن انمەن ءان كەشى اياقتادى. كورەرمەندەر لان جيانعا گۇل شوقتارىن سيلادى، ولاردىڭ شاپالاق داۋىسى مەن قوشامەت كورسەتكەن ۇندەرى زالدى كەرنەدى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 
جاۋاپتى رەداكتورى : نۇرعيسا قۇرمانجان ۇلى

 سۋرەت