«ولەڭ شاراپاتى، ونەر سالتاناتى» «ءۇيسىن تاۋدان ەسكەن جىر» اتتى ەكى كىتاپتىڭ تۇساۋ كەسەر سالتى بەيجيڭدە وتكىزىلدى

2015.09.21 14:38   كەلۋ قاينارى : حالىق تورابى

　　حالىق تورابى، 21 – قىركۇيەك، بەيجيڭ. ۇلتتار باسپاسىندا وتكىزىلگەن «ولەڭ شاراپاتى، ونەر سالتاناتى» «ءۇيسىن تاۋدان ەسكەن جىر» اتتى ەكى كىتاپتىڭ تۇساۋ كەسەر سالتىنان كورىنىس. «ولەڭ شاراپاتى، ونەر سالتاناتى» «ءۇيسىن تاۋدان ەسكەن جىر» اتتى ەكى كىتاپتىڭ تۇساۋ كەسەر سالتى 19 – قىركۇيەك تۇستەن بۇرىن بەيجيڭ ۇلتتار باسپاسىندا وتكىزىلدى، اتالعان تۇساۋ كەسەر سالتىن ىلە قازاق اۆتونوميالى وبلىستىق حالىق ۇكىمەتى، شينجياڭ ۇيعۇر اۆتونوميالى رايوندىق مادەنيەت مەكەمەسى، ۇلتتار باسپاسى قاتارلى ورىندار بىرلەسىپ وتكىزدى. كىتاپ تاراتىلۋ سالتىن ۇلتتار باسپاسى باس رەداكتورىنىڭ كومەكشىسى مۇناي ءابىلباي ۇلى باسقاردى. ۇلتتار باسپاسىنىڭ باس رەداكتورى جاڭ روپۋ، ىلە قازاق اۆتونوميالى وبلىسى باستىعىنىڭ ورىنباسارى مۇقيات جارمۇقامەت ۇلى سىندى قۇرمەتتى قوناقتار قۇتتىقتاۋ ءسوزىن سويلەدى.

　　وسى كىتاپتاردىڭ رەداكسياسى القاسى اتىنان ىلە گازەتى مەكەمەسى باستىعىنىڭ ورىنباسارى ساۋلەت توقتىباي ۇلى ءسوز كەزەگىن الىپ، وسى ەكى كىتاپتىڭ باسپادان شىعارىلۋى جايلى ەڭبەكتەرىن بايانداي كەلىپ، وسى كەسەك شىعارمالاردىڭ حالقىمىزدىڭ وركەنيەت قازىناسىنا، اسىرەسە ايتىس مادەنيەتىمىزگە قوسار ۇلەسىن تىلگە تيەك ەتتى. ورتالىق حالىق راديوسىنىڭ اعا ديكتورى، اقىن بالاپان راباتوۆ وقىرماندار ۋاكىل اتىنان ءوزىنىڭ ورەلى ويىن ءبىلدىردى. تۇساۋ كەسەر سالتىنا ۇلتتار باسپاسى، ورتالىق حالىق راديو ستانسياسى، ورتالىق اۋدارما مەكەمەسى، ورتالىق ۇلتتار ۋنيۆەرسيتەتى، ۇلتتار جۋرنالى قاتارلى مەكەمە ورگانداردان ۋاكىلدەرى قاتىناستى. حالىق تورابى، ورتالىق تەلەۆيزيا تورابى، حالىقارالىق راديو ستانسياسى، ورتالىق حالىق راديو ستانسياسىنداعى قازاق ءتىلدى مەديالار كىتاپ تارتۋ سالتىنا كەلىپ قاتىناستى.

　　كەلۋ قاينارى: حالىق تورابى