كەستەشى ايەلدەر سىرماق تىگۋ باسەكەسىنە قاتىناستى

2015.09.21 16:01   كەلۋ قاينارى : حالىق تورابى

　　گۇلميرا داۋلەتبەك قىزى حابارلايدى. 19 ـ قىركۇيەكتە اشىلعان التاي ايماعىنىڭ 3 ـ كەزەكتى ەگىن، مال شارۋاشىلىق ونىمدەرى جارمەنكەسىندە ٴارقايسى اۋدان، قالادان (كورىنىس رايونىنان) كەلگەن 100 شەبەر ايەل سىرماق تىگۋ باسەكەسىنە قاتىناستى. بۇل قيمىلدى ايماقتىق ايەلدەر بىرلەستىگى مەن ايماقتىق ادام كۇش بايلىعى قوعامدىق قامتاماسىزداندىرۋ مەكەمەسى بىرلەسىپ وتكىزدى. 100 كەستەشى ايەل ناق مايداندا 2 ساعات ۋاقىتتا سىرماق تىگۋ بيىلعى جارمەنكەنىڭ ماڭىزدى مازمۇنىنىڭ ٴءبىرى بولدى، 100 كەستەشى ايەل 60 فورماسىندا ٴتىزىلىپ وتىرىپ، دوڭگەلەك سىرماقتى تىگىپ شىقتى.

　　ايماقتىق ايەلدەر بىرلەستىگىنىڭ ءٴتورايىمى باقىتگۇل راقىمەتوللا قىزى بىلاي دەدى: «بۇرىنعى جىلعى جارمەنكەدە ۇلتتىق كەستە بۇيىمدارىمىزدى باسەكەلەستىرىپ ساتۋ بولماعان ەدى، بيىل تۇڭعىش رەت قاناس كەستەسى مەن 4 مەترلىك سىرماق باسەكەلەستىرىلىپ ساتىلدى، 100 كەستەشى ايەلدىڭ سىرماق تىگۋ شەبەرلىگىن ناق مايداندا باعالاپ، 25 كەستەشى ايەل سيلىق ساحناسىنان كورىندى. بۇل قازاق ايەلدەرىنىڭ شەبەر، ىسكەرلىگى ٴبىر قىرىنان ايگىلەنسە، ەندى ٴبىر جاعىنان ايەلدەردىڭ بازارعا بەتتەپ، كاسىپ جاراتۋىنا سارا جول تابۋعا بولادى».

　　كەلۋ قاينارى: حالىق تورابى