تۇرپان اۋىلىنداعى ناۋباي

2015.09.22 16:08   كەلۋ قاينارى : حالىق تورابى

　　حالىق تورابى، 24 – قىركۇيەك، بەيجيڭ. ابدۋالي روزىجان پىسقان ناندى توناردان الۋدا، ونىڭ 5 جاستاعى بالاسى ەمىران ابدۋالي قاسىندا اكەسىنىڭ ءار ءبىر ارەكەتىنە كوز سالۋدا.

　　45 جاستاعى ابدۋالي روزىجان شينجياڭ تۇرپان ايماعى توقسۇن اۋدانىنىڭ تۇرعىنى، ول 2014 – جىلى تۇرپان قالاسى گاۋچاڭ رايونى يار قالاشىعىنداعى «ءىمىران نان پىسىرۋ كاسىپتىك كوپەراتيۆىنە» مۇشە بولىپ، وسى ارادا نان جابۋدى ۇيرەنگەن ءارى وسىنى كاسىپ ەتكەن بولاتىن. ءار كۇنى تاڭعى ساعات 3دەن باستاپ ول قاربالاستىققا تۇسەدى، ءار كۇنگى تاپسىرىستىڭ ۇقساماۋىنا قاراي، ابدۋالي روزىجان ءبىر كۇندە 300 - 400 نان جابادى، ونىڭ قازىر جىلدىق كىرىسى 20 مىڭعا تايايدى.

　　«ءىمىران نان پىسىرۋ كاسىپتىك كوپەراتيۆى» 2013 – جىلى «1 - مامىر» حالىقارالىق ەڭبەكشىلەر مەرەكەسىندە قۇرىلعان، كوپەراتيۆتىڭ جەر اۋماعى 25 مۋ، ەڭ باسىندا 5 وتباسى مۇشە بولىپ جۇمىس باستاعان، قازىر دامىپ 17 وتباسى مۇشە بولدى. «ءىمىران» ۇيعۇر تىلىندە «تارتۋ ەتۋ» دەگەن ماعىنادا، كوپەراتيۆتىڭ مۇشەلەرى سەلبەسە جۇمىس ىستەيدى، شيكىزاتتى قاتاڭ تۇردە ازىقتىق ولشەمى بويىنشا ءبىر تۇتاس ساتىپ الىپ، ناننىڭ ساپاسىنا كەپىلدىك ەتەدى، جاسالعان ءونىم جەرگىلىكتى ورىندا ساتىلۋدان سىرت، ءۇرىمجى، سانجى، قارامايلى، ءتىپتى شاڭحاي، حاڭجوۋ قاتارلى جەرلەردە دە ساتىلادى.

　　كەلۋ قاينارى: حالىق تورابى