سيريالىق ەرلى - زايىپتى بوسقىن ەگىز بالاسىن سومكاعا سالىپ، ەگەي تەڭىزىنەن ۇرلانىپ ءوتتى

2015.09.23 15:42   كەلۋ قاينارى : حالىق تورابى

　　حالىق تورابى، 23 – قىركۇيەك، بەيجيڭ. انگليا «كۇندەلىك پوچتا گازەتىنىڭ» 21 – قىركۇيەكتە حابارلاۋىنشا، سيريالىق ەرلى – زايىپتى بوسقىن ومىرىنە تونىپ تۇرعان قاتەرگە قاراماستان، 8 اي تولعان ەگىز بالاسىن الىپ، ەگەي تەڭىزىنەن ۇرلانىپ ءوتىپ، تۇركيادان گرەتسيانىڭ لەسبوس ارالىنا جەتكەن.

　　سۋرەتتە: لەسبەس ارالى ميتيلەنە پورتى ماڭىنداعى ەفتالوۋ تەڭىز جاعاسىندا، ءبىر نارەستە اۋىزىنا تىستەگەن ەمىزدىگى بار، قول سومكانىڭ ىشىندە ءتاتتى ۇيقىدا جاتىر. تاعى ءبىر نارەستە وراعان ءاديالدىڭ ىشىندە، ول الدە قاشان ويانىپ العان، جۇزىنەن ۇيىرىلگەن كۇلكىنىڭ لەبى ەسەدى. بۇل ەگىز نارەستەنىڭ اكە – شەشەسى بالالارىن الىپ، ۋاقىتتىق كەمەگە وتىرىپ، ەگەي تەڭىزىنەن كەسىپ ءوتىپ، ەۆروپاداعى بوسقىنداردى قابىلدايتىن مەملەكەتكە جول العان بولاتىن.

　　بۇدان بۇرىن كەمىندە 46 ادام وتىرعان، تۇركيادان لەسبەس ارالىنا قاراپ جولعا شىققان كەمە، ەگەي تەڭىزىندە اۋدارىلىپ، 13 ادام قازا بولعان، ولاردىڭ ىشىندە التاۋى بالدىرعان بولاتىن. حالىقارالىق كوشى – قونۋ بىرلەستىگىنىڭ قازىرگە دەيىنگى ساناعىنا قاراعاندا، بيىل 430 مىڭ بوسقىن مەن كەلىمسەكتەر جەر ورتا تەڭىزى ارقىلى ەۆروپاعا قونىس اۋدارعان، مۇنىڭ ىشىندە 309 مىڭ ادام گرەتسيا ارقىلى قونىس اۋدارعان. ءبىراق جاقىندا عانا ەكونوميكاسى توقىراۋعا ۇشىراعان گرەتسيا ۇكىمەتى بوسقىندار جاعدايىنا قولىن ءۇشىن بەرۋگە دارمەنسىزدىك ەتتى. سونىمەن قاتار ەۆروپاداعى كوپ ساندى مەملەكەتتەر بۇل ماسەلەنى تۇبىرىنەن شەشۋ كەرەكتىگىن، سيريا مەملەكەتىندەگى ىشكى قاقتىعىستى تەزىرەك اياقتاتۋعا كۇش سالۋ كەرەكتىگىن باسا دارىپتەدى.

　　كەلۋ قاينارى: حالىق تورابى