بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

جۇڭگو ءىسلام ءدىنى قوعامى قۇربان ايتقا ارناپ قوناعاسى بەردى

ليۋ ياندۇڭ، سۇن چۇنلان قاتارلىلار قاتىناستى ءارى قۇتتىقتاۋ ءسوزىن سويلەدى

2015.09.24 14:11   كەلۋ قاينارى : حالىق تورابى



  حالىق گازەتى، 23 – قىركۇيەك، بەيجيڭ. جۇڭگو ءىسلام ءدىنى قوعامى قۇربان ايت مەرەكەسىن تويلاۋ بايلانىسىمەن 23 – قىركۇيەكتە بەيجيڭدە قوناعاسى بەردى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭس زۇڭليىنىڭ ورىنباسارى ليۋ ياندۇڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق بىرلىكساپ ءبولىمىنىڭ باستىعى سۇن چۇنلان، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ەركىن يميرباقى، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك ۇلتتىق ىستەر كوميتەتىنىڭ مەڭگەرۋشىسى ۋاڭ جىڭۋەي، مەملەكەتتىك ساياسي كەڭەس ءتوراعاسىنىڭ ورىنباسارى ما بياۋ قاتارلىلار قوناعاسىعا قاتىناستى ءارى قۇتتىقتاۋ ءسوزىن سويلەدى.

  مەملەكەتتىك ساياسي كەڭەستىڭ تۇراقتى مۇشەسى، جۇڭگو ءىسىلام ءدىنى قوعامىنىڭ باستىعى چىن گۋاڭيۋان مولدا قوناعاسىدا ءسوز سويلەدى، ول جۇڭگو ءىسلام ءدىنى قوعامى اتىنان بۇكىل ەلدەگى جانە دۇنيە جۇزىندەگى مۇسىلمان باۋىرلاستارعا شىن ىقىلاسپەن مەرەكەلىك سالەم جولدادى ءارى جاقسى تىلەكتەرىن ءبىلدىردى. ول بىلاي دەدى: بيىل جۇڭگونىڭ جاپون باسقىنشىلارىنا قارسى سوعىس جەڭىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 70 جىلدىعى، ءىسىلام ءدىنى وتاندى، بەيبىتشىلىكتى سۇيۋگە تاربيەلەيتىن ءدىن، جۇڭگو مۇسىلماندارى وتاندى قورعاپ، سىرتقى جاۋلارعا سوققى بەرۋگە قاتىناسىپ، قاندى شايقاس جۇرگىزىپ، قۇربان بەرگەن. ءبىز بولاشاقتا جۇڭگوشالاندىرۋ تۋرا باعىتىندا ۇزدىكسىز تاباندى بولىپ، جاپپاي دوڭگەلەك داۋلەتتى قوعام قۇرۋ، جۇڭحۋا ۇلتىنىڭ ۇلى كوركەيۋىن ىسكە اسىرۋ سىندى جۇڭگو ارمانى ءۇشىن ۇلەسىمىزدى قوسۋىمىز كەرەك. قۇربان ايتتىڭ قۋانىشتى ساتىندە، وتانىمىزدىڭ كوركەيىپ - گۇلدەنۋىن، ادامزاتتىڭ بەرەكەلى، الەمنىڭ بەيبىت بولۋىن تىلەيمىن!

  اراب ەلدەرىنىڭ جۇڭگودا تۇراتىن باس ەلشىلەر ۇيىرمەسىنىڭ باستىعى، اماننىڭ جۇڭگودا تۇراتىن باس ەلشىسى ابدۋللا سادي جانە 40تان استام مۇسىلماندار ەلىنىڭ جۇڭگوداعى باس ەلشىلەرى، بەيجيڭدەگى شەتەلدىك مۇسىلمان مامانداردىڭ ۋاكىلدەرى، ورتالىق پەن بەيجيڭ قالاسىنداعى قاتىستى جاۋاپتى جولداستار، استانانىڭ ءار سالاسىنداعى مۇسىلمانداردىڭ ۋاكىلدەرىنەن 300دەي استام قوناعاسىعا ۇسىنىسپەن قاتىناستى.

  كەلۋ قاينارى: حالىق تورابى

【1】 【2】 
جاۋاپتى رەداكتورى : نۇرعيسا قۇرمانجان ۇلى

 سۋرەت