انگليالىق ءتىلشى دۋبايداعى جەتى جۇلدىزدى مەيمانحانانى تاماشالادى

2015.09.24 16:43   كەلۋ قاينارى : حالىق تورابى

　　حالىق تورابى، 24 – قىركۇيەك، بەيجيڭ. انگليا «كۇندەلىك پوچتا گازەتى» ساياحات ارناسىنىڭ ءتىلشىسى بەكي الەمدەگى ەڭ ساۋلەتتى مەيمانحانا ــ دۋبايداعى جەتى جۇلدىزدى جەلكەندى قايىق مەيمانحاناسىن ءوز كوزىمەن تاماشالاپ، ساۋلەتىنە تاڭدانعان.

　　جەلكەندى قايىق مەيمانحاناسى ەڭ كەرەمەت روللس – رويسە ساۋلەتتى كولىگىمەن قاريدارلاردى قارسى الىپ جانە ۇزاتىپ سالادى. مەيمانحانا قاباتىنىڭ توبەسىندە تىك ۇشاق قوناتىن تەكشە بار بولىپ، قوناقتار تىك ۇشاق ارقىلى مەيمانحانانىڭ توبەسىنە شىعىپ، ليفت ارقىلى جوعارىدان تومەن قاراي وزدەرىنىڭ بولمەسىنە بارا الادى.

　　مەيمانحانادا 202 ساۋلەتتى جاتىن بولمەسى بار. مەيمانحانا قوناقتاردى ارنايى كۇتەتىن قىزمەتكەر ورنالاستىرعان، ولار قوناقتار كەتكەنشە باستان – اياق قوناقتار ءۇشىن قىزمەتتە بولادى. مەيمانحاناداعى ۇلكەن زال، اسحانا، ساۋىق ورتالىعى اۋەلى دەسەڭىز دارەتحاناعا دەيىن التىن اپتالىپ، كۇمىسپەن قاپتالعان، مەيمانحانانىڭ ىشىندە جۇرگەنىڭىزدە پاتشانىڭ سارايىندا جۇرگەندەي بولاسىز.

　　بۇدان سىرت، دۇنيەدەگى ءسىز ويلاعان تاماق ءتۇرىنىڭ بارلىعىن وسى ارادان تابىلادى، نە جەيمىن دەسەڭىزدە بارلىعى بار. ارينە مۇنداي ساۋلەتتى مەيمانحانادا ءسىزدى پاتشاداي كۇتۋ اقىسى دا تومەن ەمەس، جەلكەندى مەيمانحانادا ەڭ تومەنگى جاتىن بولمەسىنىڭ ءوزى 900 فۋنت ستەرلينگى شىعادى (حالىق اقشاسىمەن 8896 يۋان).

　　كەلۋ قاينارى: حالىق تورابى