مەككەدە تۋىلعان تاپتالۋ وقيعاسىندا 717 ادامنىڭ قازا بولعانى تۇراقتاندىرىلدى

قازىرشە جۇڭگو ازاماتتارىنىڭ قازا بولعانى نەمەسە جارالانعانى تۋرالى مالىمەت جوق

2015.09.25 14:21   كەلۋ قاينارى : حالىق تورابى

　　شينحۋا تورابى، 24 – قىركۇيەك، ار – رياد. ساۋد ارابيانىڭ مەككە قالاسىندا 24 – قىركۇيەكتە مۇسىلمانداردىڭ قاجىشىلاۋى بارىسىندا تاپتالۋ وقيعاسى تۋىلىپ، كەمىندە 717 ادام قازا بولدى، 800دەن استام ادام جارالاندى. مۇنان سىرت، جۇڭگونىڭ جەددا قالاسىندا تۇراتىن باس كونسۋلدىعىنىڭ راستاۋىنشا، قازىرگە دەيىن تاپتالۋ وقيعاسىندا جۇڭگودان قاجىشىلاي بارعانداردىڭ قازا بولعانى نەمەسە جارالانعانى تۋرالى مالىمەت بەرىلمەگەن.

　　ساۋد ارابيا حالىقتىق قورعانىس مەكەمەسى مالىمدەمەشىسىنىڭ ايتۋىنشا، جەرگىلىكتى ۋاقىت ساعات 9 اينالاسىندا قاجىشىلاعان قالىڭ ادام مەككەدەن بىرنەشە كيلومەتر قاشىقتىقتاعى مينا شاتىرلى قالاشىعىنان شايتانعا تاس لاقتىراتىن اقابا جامراسىنا بارا جاتقان جولدا يىن تىرەسە، سەڭدەي سوعىلىسىپ، اقىرى تاپتالۋ وقيعاسى تۋىلعان.

　　ساۋد ارابيا دەنساۋلىق ساقتاۋ باس ءۋازىرى فاريحتىڭ ايتۋىنشا، العاشقى تەكسەرۋ ناتيجەسىنە نەگىزدەلگەندە، وقيعا ادامداردىڭ كوپتىگى مەن ءىشىنارا قاجىشىلاۋشىلاردىڭ بەلگىلەنگەن ءتارتىپ بويىنشا جۇرمەۋىنەن تۋىلعان، ەڭ سوڭعى تەكسەرۋ ناتيجەسى تەز ارادا جاريالاناتىن بولادى.

　　كەلۋ قاينارى: حالىق تورابى