انگليالىق جۇمىسشى ءۇي بۇزۋ بارىسىندا ويلاماعان پايداعا كەنەلگەن

2015.09.28 14:44   كەلۋ قاينارى : حالىق تورابى

　　حالىق تورابى، 28 – قىركۇيەك، بەيجيڭ. انگليانىڭ پرو – دەم كوشى – قون سەرىكتىگى جاقىندا وڭتۇستىك دورسەت ايماعى وڭتۇستىك بوۋرنە قالاسىنداعى كونە ءۇيدى بۇزىپ جاتقاندا، ۆيكتوريا زامانىنداعى گوللانديا دەلفت فارفور كەرپىشتەرىن بايقاعان، بۇل فارفور كەرپىشتەردىڭ قۇنى 50 مىڭ فۋنت ستەرلينگى (جۇڭگو اقشاسىمەن 490 مىڭ يۋان) بولعان.

　　پرو – دەم كوشى – قون سەرىكتىگىنىڭ قۇرىلىس اترەتىنىڭ جاۋاپتىسى ستەفەن مالتون باسقا جۇمىسشىلارمەن بىرگە ءۇيدىڭ تامىن يتەرىپ قۇلاتقاننان كەيىن، ويلاماعان جەردەن قۇلاتىلعان تامىنىڭ ارتىنداعى فارفور كەرپىشتەردى بايقاعان. ستەفەن مالتون: سول كەزدە بۇل فارفور كەرپىشتەردى بايقاعان كەزىمىزدە ءوز كوزىمىزگە سەنبەدىك، سىرتقى جاقتاعى تام جالعان تام بولىپ، ىشكى جاقتاعى تامدى قورعاۋ ءۇشىن ارنايى جاسالعانىن بايقادىق،-دەيدى. جاسالعان توقتام بويىنشا، اتالعان قۇرىلىس اترەتى ءۇيدى بۇزۋ بارىسىندا تابىلعان بارلىق مال – مۇلىكتى ەنشىلەۋ ۇقىعى بار بولىپ، بۇل بايلىق وسى قۇرىلىس اترەتىنە بۇيىرعان.

　　دەلفت فارفور كەرپىشى گوللانديادا جاسالعان قىش بۇيىمدارى بولىپ، رەڭى اق، ۇستىندەگى سۋرەتى قولمەن سىزىلعان، جۇڭگونىڭ ەرتەدەگى فارفور بۇيىمدارى سياقتى سيرەك كەزدەسەتىن اسىل بۇيىم ەسەپتەلىنەدى. ۇعىسۋعا قاراعاندا، ۆيكتوريا زامانىنداعى ايگىلى كورىنىس سىزۋ شەبەرى ارسۇر بەلل كەزىندە وسى ۇيدە تۇرعان.

　　كەلۋ قاينارى: حالىق تورابى