تارباعاتايدا مىڭ ادام گارمون تارتىپ، شينجياڭنىڭ 60 جىلدىق مەرەيتويىن قۇتتىقتادى

2015.09.29 13:42   كەلۋ قاينارى : حالىق تورابى

　　حالىق تورابى، 28 – قىركۇيەك، بەيجيڭ. مىڭ ادام گارمون تارتىپ، ون مىڭ ادام تاماشالادى. 28 – قىركۇيەك تۇستەن كەيىن، شاۋەشەك قالاسىنداعى مادەنيەت الاڭى «گارمون تەڭىزىنە» اينالدى. «وتانعا ءان ارناۋ»، «قىزىل تۋعا ماداق» ... گارمون ۇنىمەن ىلەسە، ءار ۇلت حالقى جاڭا جۇڭگو قۇرىلعاندىعىنىڭ 66 جىلدىعى مەن شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعىن بىرگە قۇتتىقتادى.

　　تارباعاتاي ايماقتىق پارتكومنىڭ ۇگىت ءبولىمى، شاۋەشەك قالالىق پارتكوم مەن ۇكىمەت ۇيىمداستىرىپ، شاۋەشەك قالالىق پارتكوم ۇگىت ءبولىمى وتكىزگەن «شاۋەشەك قالاسىندا مىڭ ادام گارمونمەن ونەر كورسەتۋ جانە ايگىلى گارمونشىلاردىڭ گارمون تارتۋى» اتتى قيمىل 28 – قىركۇيەكتە شاۋەشەك مادەنيەت الاڭىندا وتكىزىلدى.

　　بۇل جولعى مىڭ ادام گارمون تارتۋ قيمىلىنا تارباعاتاي ايماعىنىڭ جەر – جەرىنەن مىڭنان استام گارمونشى قاتىناستى، ولاردىڭ اراسىندا حانزۋ، قازاق، حۇيزۋ، ۇيعۇر، داعۇر، ورىس قاتارلى 17 ۇلتتىڭ ۋاكىلدەرى بار، بۇلاردىڭ ىشىندە 7 جاستاعى كىشكەنتاي گارمونشى دا، 70 جاستاعى جاسامىس گارمونشىلار دا بار.

　　كەلۋ قاينارى: حالىق تورابى