بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

باشباي قويىنىڭ ەتى بەيجيڭدەگى كورمەدە ءوتىمدى بولدى

2015.10.20 14:08   كەلۋ قاينارى : حالىق تورابى



  سۋرەتتە: شاعانتوعاي اۋداندىق اۋىل شارۋاشىلىعى مەكەمەسى باستىعىنىڭ ورىنباسارى نۇرجانات تولەۋ قىزى الارماندارعا اۋىل شارۋاشىلىعى ونىمدەرىن تانىستىرۋدا.

  حالىق تورابى، 20 – قازان، بەيجيڭ. (نۇرعيسا) شينجياڭ اۋىل شارۋاشىلىق ونىمدەر كورمەسى 16 – قازاننان 20 – قازانعا دەيىن بەيجيڭدەگى اۋىل شارۋاشىلىق كورمە سارايىندا وتكىزىلدى. كورمەنىڭ ەڭ سوڭعى كۇنى (20 – قازان) ءتىلشى كورمە سارايىنا بارىپ، قىزمەتكەرلەردەن ونىمدەردىڭ ساتىلۋ جاعدايىن ۇعىسىپ قايتتى.

  كورمەدەن زات ساتىپ الۋعا كەلگەن بەيجيڭ قالاسىنىڭ تۇرعىندارى تاڭ بوزىنان ەسىك الدىنا وشىرەتكە ءتىزىلدى. شاعانتوعاي اۋداندىق اۋىل شارۋاشىلىعى مەكەمەسى باستىعىنىڭ ورىنباسارى نۇرجانات تولەۋ قىزىنىڭ ايتۋىنشا، بىرنەشە كۇننەن بەرى، شاعانتوعاي اۋداندىق اۋىل شارۋاشىلىق مەكەمەسىنىڭ ۇيىمداستىرۋىندا شاعانتوعايداعى حالىقتىق كاسىپورىندار اكەلگەن باشباي قويىنىڭ ەتى ءوتىمدى بولعان.

  ۇعىسۋعا قاراعاندا، وسى كورمەدە شاعانتوعاي اۋدانى قۇنى 25 ميلليون 900 مىڭ يۋانعا تۋرا كەلەتىن ەكى ءىرى توقتامعا قول قويعان، ونىڭ ءبىرى، شينجياڭ سەرگەي مال شارۋاشىلىعى جاۋاپكەرشىلىگى شەكتەۋلى سەرىكتىگى قول قويعان 19 ميلليون 600 مىڭ يۋاندىق توقتام بولسا، ەندى ءبىرى، بورتۋ سەرىكتىگى قول قويعان 9 ميلليون 300 مىڭ يۋاندىق توقتام.

  تارباعاتاي ايماقتىق اۋىل شارۋاشىلىعى مەكەمەسىنىڭ قاتىستى قىزمەتكەرى ۋ تيانيۇڭ: تارباعاتاي ايماعى ەلىمىزدىڭ ەڭ باتىسىنا ورنالاسقان ايماقتاردىڭ ءبىرى، اۋىل شارۋاشىلىعى ونىمدەرى تابيعي، زالالسىز. مۇنداي كورمەدە اۋىل شارۋاشىلىعى ونىمدەرىن جان – جاقتىلى، تولىق تانىستىرۋ شەكتەمەلەرگە ۇشىرايتىندىقتان، ءبىز تۇتىنۋشىلاردىڭ شينجياڭعا بارىپ، ەكسكۋرسيالاۋىن، ساياحاتتاۋىن، تەكسەرىپ – زەرتتەۋىن قارسى الامىز، - دەدى.

  بۇل رەتكى كورمەگە مەملەكەت جانە اۆتونوميالى رايون دارەجەلى اۋىل شارۋاشىلىعىن كاسىپتەندىرۋدەگى ءتۇيىندى كاسىپورىنداردان 142 كاسىپورىن قاتىناستى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : نۇرعيسا قۇرمانجان ۇلى

 سۋرەت