شي جينپيڭ انگليانىڭ پاتشايىمى ەليزابەتا – Ⅱ وتكىزگەن قارسى الۋ سالتىنا قاتىناستى

2015.10.21 16:44   كەلۋ قاينارى : حالىق تورابى

　　«حالىق گازەتى» امبەباپ دانەكەر تەكشەسى، 20 – قازان، لوندون (ءتىلشى دۋ شاڭزى). 20 – قازاندا ۇلى بريتانيادا مەملەكەتتىك ساپاردا جۇرگەن مەملەكەت ءتوراعاسى شي جينپيڭ انگليانىڭ پاتشايىمى ەليزابەتا – Ⅱ لوندونداعى اتتى اسكەرلەر پارات الاڭىندا وتكىزگەن سالتاناتتى قارسى الۋ سالتىنا قاتىناستى.

　　التىن كۇزدەگى لوندون ءتىپتى دە كورىكتەنە ءتۇستى. سول كۇنى تۇستە ۇلى بريتانيا پاتشا مۇراگەرى چارليز بەن حانىمى كاميلا شي جينپيڭ تۇسكەن قوناق ۇيگە بارىپ، شي جينپيڭ مەن حانىمى پىڭ لييۋاندى قارسى الدى.

　　12 ساعات 20 مينۋت مولشەرىندە شي جينپيڭ مەن حانىمى چارليز بەن حانىمىنىڭ سەرىك بولۋىندا اتتى اسكەرلەر پارات الاڭىنداعى پاتشا اۋلەتىنىڭ پاراتتى كوزدەن كەشىرۋ تەكشەسىنە كەلدى. ۇلى بريتانيا پاتشا اۋلەتىنىڭ ەڭ زور قۇرمەت سالتى بويىنشا لوندون كوپىرى مەن گرين باقشاسىندا 62 جانە 41 قۇرمەت ساليۋتى اتىلدى.

　　شي جينپيڭ مەن حانىمى پاراتتى كوزدەن كەشىرۋ تەكشەسىنە شىققاندا، پاتشايىم ەليزابەتا – Ⅱ مەن كۇيەۋى فيليپ حانزادا ىستىق ىقىلاسپەن قارسى الدى. قۇرمەت قاراۋىلى قۇرمەت ءبىلدىردى، اسكەري وركەستر جۇڭگونىڭ مەملەكەت ءانىن اسقاقتاتا ورىندادى. فيليپ حانزادانىڭ سەرىك بولۋىندا شي جينپيڭ قۇرمەت قاراۋىلىنىڭ الدىنان ءجۇرىپ ءوتتى.

　　قارسى الۋ سالتى اياقتالعاننان كەيىن جۇڭگو – ۇلى بريتانيا ەكى ەلدىڭ مەملەكەت ءانى ورىندالىپ جاتقان ساتتە شي جينپيڭ مەن حانىمى پاتشايىم مەن حانزادانىڭ سەرىك بولۋىندا پاتشا اۋلەتىنىڭ كۇيمەسىنە ءتۇسىپ ۇلى بريتانيا ايەل پاتشاسىنىڭ سارايىنا باردى.

　　پاتشايىمنىڭ لوندونداعى باس ۋاكىلى وليشا، باس ءۋازىر كامەرون، ىشكى ىستەر ءۋازىرى مەي، مەملەكەت قورعانىسى شتاپ باستىعى حورتون، لوندوننىڭ فينانسقا جاۋاپتى قالا باستىعى يە يالۇن، ۋەستمينستر قالاسىنىڭ باستىعى فلات قاتارلىلار قارسى الۋ سالتىنا قاتىناستى.

　　كەلۋ قاينارى: حالىق تورابى