حالىق تورابى، 3 – قاراشا، بەيجيڭ. 2 – قاراشا، يزرايلدىڭ ريشون لەزيون قالاسى، ساقشىلار پىشاقپەن ادام جارالاۋ ۋاقيعاسى تۋىلعان ناق مايداندى تەكسەرۋدە.
سول كۇنى، يزرايلدىڭ ريشون لەزيون قالاسى مەن نەيتانياشى قالاسىندا جەكە – جەكە پالەستيندىكتىڭ قولىنا پىشاق الىپ يزرايلدىققا شابۋىلداۋ ۋاقيعاسى تۋىلىپ، 4 يزرايلدىق جارالاندى. يزرايل ساقشى جاعىنىڭ ايتۋىنشا، سول كۇنى تۇستە، يوردانيا وزەنى باتىس جاعالاۋىنان كەلگەن پالەستيندىك ازامات ريشون لەزيون قالاسىنداعى ءبىر كوشە اۆتوبوزىندا قولىنا پىشاق الىپ جولاۋشىلارعا شابۋىل جاساعان، كوشە اۆتوبوزى شوفەرى اۆتوبوز ەسىگىن اشىپ جولاۋشىلاردى شىعارىپ جىبەرگەننەن كەيىن، ول اۆتوبوزدان ءتۇسىپ، جول بويىنداعى ادامدار مەن دۇكەندەگى يزرايلدىقتارعا شابۋىل جاساپ، 3 ادامدى جارالاعان.
كەلۋ قاينارى: حالىق تورابى