شينجياڭدا مال شارۋاشىلىعى رايونىنداعى وقۋشىلار جاقىن ارالىقتان ۇشاق ۇلگىسى، بالۋانعا ءتۇسۋ قاتارلى دەنە تاربيە قيمىلدارىن كوردى

2015.11.05 14:38   كەلۋ قاينارى : حالىق تورابى

　　حالىق تورابى، 5 – قاراشا، بەيجيڭ. شينجياڭدا 2015 – جىلعى «دەنە – تاربيەدە ءۇشتى اۋىل – قىستاققا جەتكىزۋ» قيمىلى 4 – قاراشا كۇنى رەسمي باستالدى. شينجياڭ ۇشاق ۇلگىسى اترەتى، بالۋاندار اترەتى، كىشكەنە دوڭگەلەكتى اۆتوموبيل گرۋپپاسىنىڭ سپورتشىلارى ءۇرىمجى اۋدانى تولى اۋىلى مەن يۇڭفىڭ اۋىلىنداعى ەكى مەكتەپكە الما - كەزەك بارىپ ويىن كورسەتتى، حالىقتىڭ دەنە قۋاتىن تەكسەرۋ ماشيناسى دا ناق مايدانعا بارىپ، وقىتۋشى – وقۋشىلار ءۇشىن قىزمەت وتەدى. تانىستىرۋعا قاراعاندا، 2016 – جىلى قاڭتار ايىندا وتكىزىلەتىن بۇكىل مەملەكەتتىك قىسقى دەنە تاربيە جارىسىنىڭ كوپتەگەن ماڭىزدى جارىس سارايى وسى ءۇرىمجى اۋدانىندا سالىنۋدا، سول كەزدە ەلىمىزدىڭ جەر – جەرىنەن كەلگەن سپورتشىلار وسى جەردە ونەر سىناساتىن بولادى. شينجياڭدا 2004 – جىلى «دەنە تاربيەدە ءۇشتى اۋىل – قىستاققا جەتكىزۋ» قيمىلى ەتەك الدىرعان 12 جىلدان بەرى، دەنە تاربيە قيمىلى شينجياڭنىڭ 14 وبلىس – ايماعىنا، 51 اۋدان، 96 اۋىل – قىستاعىنا دەيىن جەتكىزىلىپ، شينجياڭنىڭ دەنە تاربيە سالاسىنداعى ساپالى قيمىلى رەتىندە جالپىلاستىرىلۋدا.

　　كەلۋ قاينارى: حالىق تورابى