جاڭا 100 يۋاندىق اقشانىڭ شىن – جالعانىن قالاي پارىقتايمىز(2)

2015.11.11 14:37   كەلۋ قاينارى : حالىق تورابى

　　ەكىنشى امال، 4 ميلليمەترلىك كەڭدىكتەگى قۇبىلمالى حاۋىپسىزدىك سىزىعى اقشانىڭ وڭ بەتىنىڭ وڭ جاق بۇرىشىنان «كەسىپ» وتەدى

　　جاڭا نۇسقاداعى 100 يۋاندىق اقشاعا جالعاننان ساقتانۋداعى تاعى ءبىر امال ىستەتىلگەن، اقشانىڭ وڭ جاق بەتىنىڭ وڭ بۇرىشىندا قۇبىلمالى تەرەزەشە حاۋىپسىزدىك سىزىعى باسىلعان.

　　جۇڭگو اقشا باسىپ شىعارۋ باس سەرىكتىگىنىڭ تەحينكالىق باس باقىلاۋشىسى شاۋ گوۋەيدىڭ ايتۋىنشا، قۇبىلمالى تەرەزەشە حاۋىپسىزدىك سىزىعىنىڭ كەڭدىگى 4 ميلليمەتر، رەڭى انىق قۇبىلادى، سونىمەن بىرگە، تەرەزەشە ارىپتەر باسىلعان. اقشا قيعاش قاراعانىڭىزدا، حاۋىپسىزدىك سىزىعى قىزىل تۇستەن جاسىل تۇسكە وزگەرەدى؛ جارىققا ۇستاپ قاراساڭىز، حاۋىپسىزدىك سىزىعىنىڭ ورتا بولەگىندەگى وڭ – تەرىس الما كەزەك باسىلعان ورنەكتى سيفر ـــ «100￥» سانىن كورەسىز.