تۇركيا رەسەيدىڭ اسكەري ۇشاعىن اتىپ ءتۇسىردى

پۋتين: بۇل ءىستىڭ رەسەي – تۇركيا قارىم – قاتىناسىنا ىقپالى زور

2015.11.25 13:48   كەلۋ قاينارى : حالىق تورابى

　　حالىق تورابى، 25 – قاراشا، بەيجيڭ. شينحۋا اگەنتتىگىنىڭ شەتەلدە تۇراتىن تىلشىلەرى جولداعان حاباردان جيناقتالعان: رەسەي اۋە ارمياسىنىڭ سۋ – 24 اسكەري ۇشاعى 24 – قاراشادا تۇركيا مەن سيريانىڭ شەكارالاسقان وڭىرىندە تۇركيا اۋە ارمياسى جاعىنان اتىپ ءتۇسىرىلدى، رەسەي اسكەري ۇشاعى وق تيگەننەن كەيىن سيريا تەرريتورياسىنا قۇلادى. رەسەي پرەزيدەنتى پۋتين: بۇل ءىس رەسەي – تۇركيا قارىم – قاتىناسىنا اۋىر دارجەدە ىقپال ەتەدى، - دەدى.

　　تۇركيا قارۋلى قوسىندارى باس شتابى جاريالاعان مالىمدەمەدە، تۇركيا اسكەري جاعىنىڭ رەسەي اسكەري ۇشاعىنا كوپ رەت ەسكەرتۋ بەرسە دە، بۇل ۇشاقتىڭ ونى مۇلدە كاپەرىنە الماعانى ايتىلعان. تۇركيا پرەزيدەنت سارايى رەسەيدىڭ اسكەري ۇشاعى تۇركيا تەرريتورياسىنا سۇعاناقتىق جاسادى دەپ قاراعان.

　　رەسەي پرەزيدەنتى پۋتين 24 – قاراشادا: رەسەي مۇنداي قىلمىستىق ارەكەتكە ءتوزىپ تۇرا المايدى، بۇل ءىس رەسەي – تۇركيا قارىم – قاتىناسىنا اۋىر دارەجەدە ىقپال جاسايدى، - دەدى. پۋتيننىڭ ايتۋىنشا، رەسەيدىڭ سۋ – 24 ۇشاعى سيريا تەرريتورياسىندا ۇشىپ جۇرگەندە تۇركيانىڭ 16 ــ F اسكەري ۇشاعى اتقان اۋەدەگى نىساناعا اۋەدەن شابۋىلداۋ باسقارىلمالى بومبىسى ءتيىپ قۇلاعان. رەسەي اسكەري ۇشاعى سول كەزدە تۇركيا شەكاراسىنان ءبىر كيلومەتر قاشىقتىقتا، 6000 مەتر بيىكتىكتە ۇشىپ جۇرگەن.

　　كەلۋ قاينارى: حالىق تورابى