بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

ەۆروپا چەمپيوندار ليگاسى: استانا كومانداسى ٶز الاڭىندا ەشكىمگە ەسەسىن جىبەرمەدى

2015.11.27 15:04   كەلۋ قاينارى : حالىق تورابى



  حالىق تورابى، 27 - قاراشا، بەيجيڭ. (مانەپ ەربول ۇلى) 26 - قاراشا كۇنى تاڭ سارىدە 2015 - 2016 ەۆروپا چەمپيوندار ليگاسىنىڭ بەسىنشى اينالىمى اياقتالدى. رەيال مادريد كومانداسى، پاريج سەن - جەرمەن كومانداسى، اتلەتيكو مادريد كومانداسى، بەنفيكا كومانداسى، جۋۆەنتوس كومانداسى، مانچەستر سيتي كومانداسى، بارسەلونا كومانداسى، بايرەن ميۋنحەن كومانداسى، سونداي – اق، سانكت - پەتەربۋرگ زەنيت كومانداسى 16 مىقتى كوماندا قاتارىنا ءوتتى.


  A گرۋپپا: جەرگىلىكتى ۋاقىت 25 - قاراشا كۇنى كەشى ساعات 21 دەن 45 مينۋت وتكەندە، 2015 – 2016 ەۆروپا چەمپيوندار ليگاسىنىڭ بەسىنشى اينالىمىنىڭ A گرۋپپاداعى جارىسىندا رەيال مادريد كومانداسى قوناق الاڭىندا دونەتسكي چاحتەر كومانداسىمەن كەزدەستى. جارىستىڭ العاشقى جارتىسىندا كريستيانو رونالدو بيللدىڭ ۇپايلى پاسىمەن قاقپاشىسىز قاقپاعا ءبىر دوپ سالىپ، رەيال مادريد كومانداسى 1 : 0 ۇپايمەن ىرىقتى ورىندى يەلەدى. جارىستىڭ سوڭعى جارتىسىندا كريستيانو رونالدودىڭ ۇپايلى پاسىمەن لۋكا مودريس ءبىر دوپ دانيەل گارۆاجال ءبىر دوپ كىرگىزسە، سوڭىندا كريستيانو رونالدو بيللدىڭ كولدەنەڭ سالعان پاسىمەن ەكىنشى دوبىن كىرگىزىپ، جالپى 4 : 0 ۇپايمەن رەيال مادريد كومانداسى دونەتسكي چاحتەر كومانداسىن جەڭىپ، 16 مىقتىنىڭ قاتارىنا ءساتتى جولداما الدى. A گرۋپپانىڭ تاعى ءبىر الاڭ جارىسىندا پاريج سەن - جەرمەن كومانداسى مالمو كومانداسىمەن كەزدەستى. جالپى 90 مينۋتتىق جارىس الاڭىندا ۇلكەن باسىمدىلىق تانىتقان پاريج سەن - جەرمەن كومانداسى 5 : 0 ۇپايمەن مالمو كومانداسىن جەڭىپ، كەلەسى اينالىمعا ءساتتى جولداما الدى.


  B گرۋپپانىڭ جارىسىندا ءبىر الاڭدا cska ماسكەۋ كومانداسى مەن ولفسبۋرگ كومانداسىمەن كەزدەسىپ، سوڭىندا ولفسبۋرگ كومانداسى 2 : 0 ۇپايمەن cska ماسكەۋ كومانداسىن جەڭىپ گرۋپپاداعى ۇپاي سانى ءبىرىنشى ورىنعا شىقتى. B گرۋپپانىڭ تاعى ءبىر الاڭدا ەينحوۆەن كومانداسى مەن اتلەتيكو مادريد كومانداسى كەزدەسىپ، ەكى كوماندا دا تولىق الاڭدا 0 : 0 ۇپايمەن ءيت جىعىس تۇسكەندىكتەن، اتلەتيكو مادريد كومانداسى الدىن الا توپتىق جارىستان شىعۋ ورايىن جىبەرىپ الدى. الداعى كەلەر الاڭدا اتلەتيكو مادريد كومانداسى مەن ولفسبۋرگ كومانداسى كەزدەسەدى.


  C گرۋپپانىڭ جاعدايىنا كەلسەك، قازاقستان استانا كومانداسى 26 - قاراشا كۇنى ٶز الاڭىنداعى سوڭعى كەزەك جارىسىندا بەنفيكا كومانداسىمەن كەزدەستى. الدىمەن قارسىلاسىنا ەكى توپ سالىپ، بىردەن باسىمدىلىقتى يەلەگەن استانا كومانداسى قارسىلاسىنا ۇپاي تەڭەستىرەتىن وراي بەرمەۋگە تىرىسسا دا، سوڭىندا 2 : 2 ۇپايمەن بەنفيكا كومانداسىمەن تەڭ تۇستى. قازاقستان استانا كومانداسىنىڭ وتكەن الاڭ جارىستارىن ايتار بولساق، الاڭ يەسى سالاۋاتىمەن كەزدەسكەن ەكى رەتكى جارىستا يسپانيانىڭ ايگىلى اتلەتيكو مادريد كومانداسىمەن 0: 0 ۇپايمەن، تۇركيانىڭ گالاتاساراي كومانداسىمەن 2 : 2 ۇپايمەن تەڭ تۇسكەن. ەۆروپا چەمپيوندار ليگاسىنا تۇڭعىش قاتىناسقان استانا كومانداسىنىڭ ٶز الاڭىنداعى ءۇش مايدان جارىسىندا دا تەڭ بولىپ، ءۇش ۇپاي الۋىنىڭ ٶزى قۋانارلىق جاعداي. الدا استانا كومانداسى تۇركيانىڭ گالاتاساراي كومانداسىمەن قوناق الاڭىندا كەزدەسەدى. وتكەن كەزەكتەگى جارىستا قاپىدا قالعان گالاتاساراي كومانداسى بۇل جولى استانا كومانداسىنا ۇلكەن دايىندىقپەن كەزدەسەدى. مەيلى جارىستىڭ سوڭعى ناتيجەسى قالاي بولسا دا، ەۆروپا چەمپيوندار ليگاسى ساحىناسىنا جاڭا كوتەرىلگەن استانا كومانداسىنىڭ ٶز الاڭىندا باستان - اقىر ەسەسىن ەشكىمگە بەرمەگەندىگى ولاردىڭ بولاشاقتا جانكۇيەرلەرىنە ٵلى تاقىم قىسار قىزىقتى جارىستار كورسەتەتىندىگى دەپ ويلايمىز.


  D گرۋپپانىڭ جارىسندا جۋۆەنتوس كومانداسى مانچەستر سيتي كومانداسىن 1 : 0 ۇپايمەن جەڭىپ گرۋپپادا ءبىرىنشى بولىپ توپتىق جارىستان شىقتى. E گرۋپپادا بارسەلونا كومانداسى ريم كومانداسىن 6 : 1 ۇپايمەن ويسىراتا جەڭسە، ولفىسبۋرگ كومانداسى مەن بوريسوۆ كومانداسى 1 : 1 ۇپايمەن تەڭ ءتۇسىپ، سونىمەن بارسەلونا كومانداسى E گرۋپپا بويىنشا الدىمەن كەلەسى اينالىمعا جول الدى. F گرۋپپانىڭ جارىسىندا بايرەن ميۋنحەن كومانداسى وليمپياكس كومانداسىن 4 : 0 ۇپايمەن جەڭىپ، الدىن الا 16 مىقتىنىڭ قاتارىنا كىردى. ارسەنال كومانداسى دينامو زاگراب كومانداسىن 0 : 3 ۇپايمەن جەڭىپ، گرۋپپالىق جارىستان شىعۋدىڭ ءۇمىتىن سوڭعى رەتكى جارىسقا قالتىردى. G گرۋپپادا چەلسي كومانداسى دينامو كيەۆ كومانداسىن 4 : 0 ۇپايمەن جەڭىپ، گرۋپپالىق ۇپاي تىزىمدىگىنىڭ الدىڭعى ورنىن يەلەدى. H گرۋپپادا سانكت - پەتەربۋرگ زەنيت كومانداسى 2 : 0 ۇپايمەن ۆالەنسيا كومانداسىن جەڭىپ كەلەسى اينالىم جارىسقا قاتىناسۋ تولىمدىلىعىنا الدىن الا يە بولدى.


  كەلۋ قاينارى: حالىق تورابى

  

【1】 【2】 【3】 【4】 
جاۋاپتى رەداكتورى : مانەپ ەربول ۇلى (پراكتيكانت)

 سۋرەت