13 - كەزەكتى بۇكىل مەملەكەتتىك قىسقى دەنە تاربيە جارىسىنىڭ سيلىق مەدالدارى كورسەتىلىپ، شينجياڭ تاڭعالارلىق سونى لەپ تانىتتى

2015.11.30 15:35   كەلۋ قاينارى : حالىق تورابى

　　حالىق تورابى، 30 - قاراشا، بەيجيڭ. 29 - قاراشا كۇنى تۇستەن بۇرىن، 13 - كەزەكتى بۇكىل مەملەكەتتىك قىسقى دەنە تاربيە جارىسىن ۇيىمداستىرۋ كوميتەتى شينجياڭ مۇز ءۇستى دەنە تاربيەسىن باسقارۋ ورتالىعىندا اقپار جاريالاۋ ءماجىلسىن اشىپ، اقپار جاريالاۋ ماجىلسىندە، دەنە تاربيە ساڭلاقتارىنا بەرىلەتىن التىن، كۇمىس، مىس مەدالداردىڭ جوبالانعان نۇسقاسىن جانە ۇگىت جارناماسىن تۇڭعىش رەت جاريالادى. مۇندا سپورتشىلارعا بەرىلەتىن مەدالداردا شينجياڭنىڭ ءتۇستى قاس تاسى، اتىلاسى، بوعدا شىڭى، ءتاڭىرتاۋ قارعالداعى قاتارلى ەرەكشە ەلەمەنتتەرى تاڭعالارلىق جاڭا بەينە تانىتتى.


　　13 - كەزەكتى بۇكىل مەملەكەتتىك قىسقى دەنە تاربيە جارىسى 2016 - جىلى 1 - ايدىڭ 20 - كۇننەن 30 - كۇننە دەيىن شينجياڭدا وتكىزىلەدى. جيىنى 11 كۇن، جارىس ءتۇرى جالپى مۇز ءۇستى ءتۇرى، قار ءۇستى ءتۇرى، قىسقى ەكى ءتۇرلى، مۇز شاۋگىم، مۇز دوپ قاتارلى بەس ۇلكەن تۇردەن، 11 قوسىمشا ءتۇر جانە 98 ۇساق تۇردەن قورالعان، بۇل بۇكىل مەملەكەتتىك قىسقى دەنە تاربيە جارىسىنىڭ شىعىس سولتۇستىكتەن باسقا رايونداردا تۇڭعىش رەت وتكىزىلۋى. سونىمەن بىرگە، 13 - كەزەكتى بۇكىل مەملەكەتتىك قىسقى دەنە تاربيە جارىسىنا قاتىناساتىن ۋاكىلدەر ۇيىرمەسى 55 بولىپ، تاريحتاعى بۇكىل مەملەكەتتىك قىسقى دەنە تاربيە جارىسىنا قاتىناسقان ۋاكىلدەر ۇيىرمەسى ەڭ كوپ، كولەمى ەڭ ۇلكەن ءبىر كەزەگى بولماقشى.


　　كەلۋ قاينارى: حالىق تورابى