حالىق تورابى، 4 – جەلتوقسان، بەيجيڭ. شينحۋا تورابىنىڭ حابارلاۋىنشا، ا ق ش وڭتۇستىك كاليفورنيا شتاتى سان – بەرناردينو قالاسىنىڭ ساقشى جاعى مەن فەدەراتسيالىق تەكسەرۋ مەكەمەسى 3 – جەلتوقسان كۇنى 2 – جەلتوقساندا سول جەردە تۋىلعان وق شىعارۋ وقيعاسىنا قاتىستى كوپتەگەن مالىمەتتەردى جاريالادى، 2 قىلمىس كۇماندىسىنىڭ ۇيىنەن نەشە مىڭ تال وق پەن ون نەشە بومبى جانە بومبى جاساۋ قۇرالدارى تابىلعان، قازا بولعان 14 ادامنان سىرت، جارالانعانداردىڭ سانى 21 ادامعا جەتكەن، ولاردىڭ اراسىندا 2 ساقشى بار.
فەدەراتسيالىق تەكسەرۋ مەكەمەسىنىڭ ءمانساپتىسى داۆي بوديچتىڭ 3 – جەلتوقسانداعى اقپار جاريالاۋ ماجىلىسىندە ايتۋىنشا، قازىر فەدەراتسيالىق تەكسەرۋ مەكەمەسى قىلمىس كۇماندىلارىنىڭ دەلو تۋدىرۋ ماقساتىنا ىشكەرىلەي تەكسەرۋ جۇرگىزۋدە.
ساقشى جاق پەن فەدەراتسيالىق تەكسەرۋ مەكەمەسى جاريالاعان مالىمەتتەرگە قاراعاندا، 2 – جەلتوقسان كۇنى تۇستەن كەيىن ساقشى جاق پەن اتىسۋ بارىسىندا وققا ۇشقان قىلمىس كۇماندىسى ــ 28 – جاستاعى ا ق ش ازاماتى سايد فارۋك پەن ونىڭ 27 جاستاعى ايەلى تاشفين ماليكتىڭ ەسىمى ا ق ش – تاعى قاتىستى تاراۋلاردىڭ لاڭكەستىك ارەكەت كۇماندىلارىن باقىلاۋ تىزىمدىگىندە جوق، ەكەۋى دە بۇرىن قىلمىس وتكىزبەگەن. فارۋك ا ق ش – تا تۋىلعان، ماليك پاكيستاندىق، ەكەۋى عالامتوردا تانىسقان، فارۋك ساۋد ارابياعا ساياحاتتاي بارعاندا ماليكتى ەرتە كەلگەن. ەكەۋىنىڭ جارىم جاسقا تولعان ءبىر قىزى بار، دەلو تۋدىرۋدىڭ الدىندا بالانى ۇلكەندەردىڭ قاراۋىنا قالدىرعان.
كەلۋ قاينارى: حالىق تورابى