التايدا تاعى قالىڭ قار جاۋىپ، شينجياڭنىڭ كوپتەگەن وڭىرىندە اپاتتان ساقتانۋ ساقتىق سەگىنالى بەرىلدى

2015.12.07 16:13   كەلۋ قاينارى : حالىق تورابى

　　حالىق تورابى، 7 - جەلتوقسان، بەيجيڭ. سۋرەتتە: 6 - جەلتوقسان كۇنى التاي تاس جول بولىمشەسى مەحانيكالىق جابدىقتاردى ىسكە قوسىپ، مەملەكەتتىك 216 - تاس جولداعى قاردى تازالادى. سول كۇنى التاي قالاسىندا تاعى دا قالىڭ قار جاۋىپ، قاتىناس ساقشىلارى، قالا قۇرىلىسن باسقارۋ تاراۋلارى، التاي ايماقتىق تاس جول بولىمشەسىندەگى ٵر قايسى تاراۋلار شۇعىل جاعدايعا توتەپ بەرۋ شارالارىن قولدانىپ، قالىڭ قار كەسىرىنىڭ الدىن الدى.

　　اۋارايى ستانسيالارىنىڭ الدىن - الا بەرگەن مالىمەتىنە قاراعاندا، 6 - جەلتوقسان كۇنى كۇندىزدەن 7 - جەلتوقسان كۇنى تۇنگە دەيىن، سولتۇستىك شينجياڭنىڭ كوپ وڭىرىندە، ءتاڭىرتاۋىنىڭ تاۋلى رايونىندا جانە قۇمىلدىڭ سولتۇستىك وڭىرلەرىندە ازىراق قار جاۋادى، مۇندا ىلە وزەنى اڭعارى، تارباعاتايدىڭ سولتۇستىگى، التاي قاتارلى وڭىرلەردەگى ءىشىنارا بولەكتەردە ورتاشا جانە كوپ مولشەردە قار جاۋىپ، سولتۇستىك شينجياڭ مەن شىعىس شينجياڭ وڭىرلەرىندەگى جەل وتتەرىندە 7 ~ 8 بال تەرىستىك جەلى سوعىپ، اۋا تەمپەراتۋراسى جالعاستى تومەندەيدى. سونىمەن، بۇراتالا موڭعۇل اۆتونوميالى وبلىسى اراسان اۋداندىق اۋارايى ستانسياسى تاس جولعا مۇز قاتۋدىڭ سارى ءتۇستى ساقتىق سەگىنالىن بەردى، ىلە قازاق اۆتونوميالى وبلىستىق اۋارايى ستانسياسى قالىڭ قاردىڭ كوك ءتۇستى ساقتىق سەگىنالىن بەردى، سانجى حۇيزۋ اۆتونوميالى وبلىستىق اۋارايى ستانسياسى بوراننىڭ كوك ءتۇستى ساقتىق سەگىنالىن بەردى، شينجياڭنىڭ 10 عا تارتا وڭىرىندە اپاتتان ساقتانۋ ساقتىق سەگىنالى بەرىلدى.

　　كەلۋ قاينارى: حالىق تورابى