بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

يۇننان ولكەسىنەن 180 ميلليون جىلدىڭ الدىنداعى تاسقا اينالعان دينوزاۆردىڭ قالدىعى تابىلدى

2015.12.08 14:21   كەلۋ قاينارى : حالىق تورابى



  حالىق تورابى، 8 – جەلتوقسان، بەيجيڭ. يۇننان ولكەسى لۋفىڭ اۋدانىنان 180 ميلليون جىلدىڭ الدىنداعى تاسقا اينالعان ەكى دينوزاۆردىڭ قالدىعى تابىلعان. جۇڭگو عىلىم اكادەمياسى ومىرتقالى جانۋرارلار جانە بايىرعى ادامزات مادەنيەتىن زەرتتەۋ ورنى مامانىنىڭ ناق مايدانداعى العاشقى ساراپتاۋىنا قاراعاندا، بۇل تاسقا اينالعان ەكى دينوزاۆردىڭ قالدىعى جەكە – جەكە «الىپ لۋفىڭ دينوزاۆرى» مەن «شۇيشى لۋفىڭ دينوزاۆرىنىڭ» تاسقا اينالعان قالدىعى دەپ جورامالدانعان.

  لۋفىڭ اۋداندىق مەملەكەت جەر بايلىعى مەكەمەسى گەولوگيا جۇرتتارىن قورعاۋ – باسقارۋ بولىمشەسىنىڭ باستىعى ۋاڭ تاۋدىڭ تانىستىرۋىنشا، جاڭادان تابىلعان «الىپ لۋفىڭ دينوزاۆردىڭ» ساقتالعان بولىگىنەن ارتقا ومىرتقا سۇيەگى 13 تال، قۇيمىشاق سۇيەگى 3 تال، وڭ – سول مىقىن سۇيەگى، شات سۇيەگى، ارتقى اياعى، قۇيىرىق سۇيەگى 22 تال بولعان. «الىپ لۋفىڭ دينوزاۆرى» تابىلعان جەردەن 500 مەتر ارالىق جەردەگى جوتانىڭ ۇستىنەن لۋفىڭ اۋداندىق دينوزاۆر مۇرا جايى عىلمي زەرتتەۋ قىزمەتكەرلەرى «شۇيشى لۋفىڭ دينوزاۆرىنىڭ» تاسقا اينالعان قالدىعىن بايقاعان.

  ۇعىسۋعا قاراعاندا، 1938 – جىلى لۋفىڭ اۋدانى جينشان قالاشىعى شاۋان قىستاعى مەن داچۇڭ قىستاعىنان وسىدان 180 ميلليون جىلدىڭ الدىنداعى دينوزاۆردىڭ تاسقا اينالعان قالدىعى تابىلعان، كەيىنتىنەن ياڭ جۇڭجيان پروفەسسوردىڭ زەرتتەۋىنە نەگىزدەلىپ، جەكە – جەكە «الىپ لۋفىڭ دينوزاۆرى» مەن «شۇيشى لۋفىڭ دينوزاۆرىنىڭ» تاسقا اينالعان قالدىعى دەپ اتالعان، ولار يۋرا ءداۋىرىنىڭ العاشقى مەزگىلىندە جاساعان دينوزاۆرلاردىڭ ءبىرى.

  كەلۋ قاينارى: حالىق تورابى

【1】 【2】 
جاۋاپتى رەداكتورى : مۇحيت امانتاي ۇلى

 سۋرەت