بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

جۇرەكتىلىكپەن كاسىپ جاراتقان ەگيپەتتەگى ايەل شاشتاراز

2015.12.11 15:04   كەلۋ قاينارى : حالىق تورابى



  حالىق تورابى، 11 – جەلتوقسان، بەيجيڭ. 10 – جەلتوقسان، ەگيپەت كاير ناسسەر قالاسى، ابەل ماحمۇد ءوزى اشقان شاشتارازحاناسىندا كەلگەن قاريداردىڭ شاشىن جاساۋدا. ەجەلدەن بەرى، ەگيپەت قوعامىندا شاشتاراز سياقتى كەيبىر كاسىپتەرمەن تەك قانا ەرلەر شۇعىلدانىپ كەلگەن. ەر شاشتاراز ەر جانە ايەل قاريدارلارعا بىردەي قىزمەت وتەگەن، ال ايەلدەر ءداستۇرلى كوزقاراستىڭ شەكتەۋى سالدارىنان تەك قانا ەر شاشتارازدىڭ كومەكشىسى عانا بولىپ كەلگەن، كەيبىر جاعدايلاردا عانا ايەل قاريدارلارعا قىزمەت كورسەتكەن. بيىل 43 جاستاعى ابەل ماحمۇد اجارلاندىرۋ جانە شاشتاراز كاسىبىمەن تابانى كۇرەكتەي 20 جىل اينالىسقان، ونىڭ ونەرى ۇستەم، ءوز سالاسىندا تيەسەلى بەدەلى بار بولسا دا، تەك قانا كومەكشى رولىن اتقارعان. ەكى جىلدىڭ الدىندا،ابەل كۇيەۋىنىڭ قولداۋىمەن ءوزىنىڭ شاشتارازحاناسىن اشىپ، كەزىندە سول جەردەگى كەڭ تارالعان جاڭا حابارعا اينالعان -دى.

  «العاشىندا كەيبىر ەر قاريدارلار مەنىڭ قىزمەت كورسەتۋىمدى باتىلدىقپەن قابىلداي المادى؛ اسىرەسە ،ءوز رايونىمىزدا تۇراتىن ايەلدەر كۇيەۋلەرىنىڭ مەنىڭ شاشتارازحانامدا شاش جاساتۋىنان قاتتى الاڭدادى»،-دەيدى ابەل كاسىپ جاراتقان العاشقى كەزىن ەسكە ءتۇسىرىپ، «ءبىراق قازىر، كوپتەگەن ادامدار بارعان سايىن مەنىڭ شاشتارازحاناما الاڭسىز كەلەتىن بولدى»،-دەيدى. ابەل قازىرشە ايەل ادامنىڭ قىزمەت كورسەتۋىن قابىلداي المايتىن قاريدارلارعا ارنايى قىزمەت كورسەتەتىن تاعى ءبىر ەر كومەكشى جالداعان. جۇرەكتىلىكپەن كاسىپ جاراتقان ەگيپەتتەگى ايەل شاشتاراز رەتىندە، ابەل جەرگىلىكتى مەديالاردىڭ حابارلايتىن ەڭ تارتىمدى اقپاراتى بولىپ، ونى «ەگيپەتتەگى تۇڭعىش ايەل شاشتاراز» دەپ اتاسقان.

  قازىر ەگيپەتتەگى جەرگىلىكتى ادامداردان سىرت، ەگيپەتتە قونىستانعان باسقا دا اراب ەلدەرىنىڭ ەر قاريدارلارى دا بۇل جەرگە كەلىپ شاش جاساتاتىن بولعان. ابەلدىڭ ساۋداسى بارعان سايىن كۇسەت بولىپ، اتاعى اسپاندادى، ول ەندى، «جاڭا كاير» رايونىنان ەكىنشى شاشتارازحاناسىن اشۋدى جوسپارلاۋدا.

  كەلۋ قاينارى: حالىق تورابى

【1】 【2】 【3】 【4】 
جاۋاپتى رەداكتورى : مۇحيت امانتاي ۇلى

 سۋرەت