حالىق تورابى، 14 – جەلتوقسان، بەيجيڭ. 13 – جەلتوقسان ساعات 15دە، گۋاڭجوۋ حىڭدا كومانداسى 2015 – جىلعى الەم كلۋبتار چەمپيوناتى جارىسىنىڭ تۇڭعىش مايدان جارىسىن قارسى الدى، جاپونيانىڭ وساكا ناگاي جاسىل الاڭىندا سولتۇستىك امەريكانىڭ چەمپيون كومانداسى مەكسيكا امەريكا كومانداسىمەن جارىسقا ءتۇستى. ەكى جاق الدىڭعى جارىم مايداندا 0:0 بولىپ، سوڭعى جارىم مايداندا امەريكا كومانداسى تەزدىكپەن دوپ كىرگىزىپ، 1:0 ۇپايمەن باسىمدىلىققا يە بولدى، 80 مينۋتتا جىڭ لۇڭ ءبىر دوپ سالىپ جارىس ناتيجەسىن 1:1گە تەڭەستىردى، جارىس اياقتالار الدىنداعى قوسىمشا ۋاقىت كەزىندە، حىڭدا كومانداسى بۇرىشتاما دوپ تەبۋ ورايىنا يە بولدى، پاۋلينو ورايدان پايدالانىپ قارسىلاسىنىڭ قاقپاسىنا دوپ سالىپ، سوڭعى ناتيجەدە حىڭدا كومانداسى 2:1 ۇپايمەن قارسىلاسى امەريكا كومانداسىن جەڭدى. گۋاڭجوۋ حىڭدا كومانداسى جارتىلاي شەشۋشى جارىستا الەمدەگى ەڭ مىقتى كوماندا بارسەلونا كومانداسىمەن بەلدەسپەك.
كەلۋ قاينارى: حالىق تورابى