بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

مەسسي كريستيانو رونالدو مەن نەيماردى جەڭىپ، التىن دوپ سيلىعىن تاعى ەنشىلەدى

التىن دوپ سيلىعىن بەس رەت ەنشىلەپ، رەكورد جاراتتى

2016.01.12 15:54   كەلۋ قاينارى : حالىق تورابى



  حالىق تورابى، 12- قاڭتار، بەيجيڭ. حالىقارالىق فۋتبول بىرلەستىگىنىڭ 2015 – جىلعى ەڭ ۇزدىك ەر فۋتبولشى سيلىعىن (التىن دوپ سيلىعى) تاراتۋ سالتى جەرگىلىكتى ۋاقىت 11 – قاڭتار كەشتە، شۆەتساريانىڭ زۋريچ قالاسىندا وتكىزىلدى، ارگەنتينالىق فۋتبولشى مەسسي ەشقانداي تالاسسىز اتالعان سيلىقتىڭ يەگەرى بولىپ، فۋتبول تاريحىندا تۇڭعىش رەت 5 رەت التىن دوپ سيلىعىن ەنشىلەگەن فۋتبولشى بولدى.

  التىن دوپ سيلىعىنىڭ يەگەرىن، حالىقارالىق فۋتبول بىرلەستىگىنە مۇشە بولعان 209 كوماندانىڭ كاپيتانى، باپكەرى جانە بەلگىلەنگەن مەديا تىلشىلەرى 3 كانديداتتىڭ ىشىنەن داۋىس بەرۋ ارقىلى بىرەۋىن سايلاپ شىعادى. سول كۇنگى جاريالاعان ناتيجەدە، التىن دوپ سيلىعىنىڭ ەڭ جوعارى ۇمىتكەرى مەسسي (%41.33) جوعارى باسىمدىلىقپەن كريستيانو رونالدو (%27.76) مەن نەيماردى (%7.86) جەڭىپ، التىن دوپ سيلىعىن ەنشىلەدى.

  28 جاستاعى مەسسي بىلتىرعى جىلى ءارقايسى جارىستا 48 دوپ سالىپ، بارسەلونا كومانداسىنا يسپانيا بىرلەسپە جارىسى، ەۆروپا چەمپيوندار ليگاسى، يسپانيا پاتشا چەمپيوناتى، ەۆروپا ەرەكشە چەمپيوناتى جانە حالىقارالىق فۋتبول بىرلەستىگىنىڭ الەم كلۋبتار چەمپيوناتى قاتارلى 5 جارىستىڭ اعا جۇلدەگەرلىگىن الىپ بەرسە، ارگەنتينا قۇراماسىن باستاپ، امەريكا چەمپيوناتى جارىسىنىڭ شەشۋشى جارىسىنا كىردى.

  بۇل 2009 – جىلى مەن 2011 – جىلدان 2013 – جىل ارالىعىنان كەيىنگى، ارگەنتينالىق شابۋىلداۋشىنىڭ 5 – رەت حالىقارالىق فۋتبول بىرلەستىگىنىڭ ەڭ ۇزدىك ەر فۋتبولشى سيلىعىن ەنشىلەۋى.

  بارسەلونا كومانداسى مەن ا ق ش ايەلدەر قۇراماسى 2015 – جىلعى ءارقايسى سيلىقتىڭ جەڭىمپازى بولدى، ەڭ ۇزدىك ەر باپكەر سيلىعى بارسەلونا كومانداسىنىڭ باپكەرى ەنريكۋەگە بۇيىردى، بارسەلونا كومانداسىنىڭ 4 مۇشەسى 2015 – جىلعى ەڭ ۇزدىك 11 فۋتبولشى تىزىمدىگىنە كىردى.

  بىلتىر ماۋسىم ايىندا، ا ق ش ايەلدەر قۇراماسى 2015 – جىلعى ايەلدەر فۋتبولى الەم چەمپيوناتىنىڭ شەشۋشى جارىسىندا 5:2 ۇپايمەن جاپونيا قۇراماسىن جەڭىپ، 16 جىلدان كەيىن، 3 – رەت ايەلدەر فۋتبولى الەم چەمپيوناتىنىڭ اعا جۇلدەگەرلىگىنە قول جەتكىزدى. شەشۋشى جارىستا 3 دوپ سالعان ا ق ش قۇراماسىنىڭ 10 – ءنومىرلى فۋتبولشىسى لويد ەڭ ۇزىك ايەل فۋتبولشى بولىپ باعالاندى، ا ق ش قۇراماسىنىڭ باپكەرى ەلليس ەڭ ۇزىك ايەل باپكەر سيلىعىن الدى.

  راموس، نەۋەر، مارسەلو، ينيەستا قاتارلى 11 فۋتبولشى كاسىپتىك فۋتبولشىلاردىڭ داۋىس بەرىپ باعالاۋى بويىنشا، 2015 – جىلعى ەڭ ۇزدىك 11 فۋتبولشى تىزىمدىگىنە كىردى، ەڭ ۇزدىك 11 فۋتبولشى تىزىمدىگىنە يسپانيا بىرلەسپە جارىسىنىڭ ەكى الپاۋىت كومانداسى بارسەلونا مەن رەال مادريد كومانداسىنان 8 فۋتبولشى بۇل تىزىمدىككە كىردى.

  بۇدان سىرت، ءبىر ميلليون 600 مىڭ جانكۇيەردىڭ داۋىس بەرۋىمەن، برازيليالىق فۋتبولشى لايلانىڭ برازيليا مەملەكەت ىشىندەگى گوياس شتاتى باسەكە جارىسىندا شەكتەلگەن رايون ىشىندە، شالقالاپ كىرگىزگەن دوبى ەڭ ادەمى كىرگەن دوپ بولىپ باعالاندى.

  حالىقارالىق فۋتبول بىرلەستىگىنىڭ التىن دوپ سيلىعى 2010 – جىلى حالىقارالىق فۋتبول بىرلەستىگىنىڭ بۇرىنعى الەم فۋتبول مىرزاسى سيلىعى مەن بۇرىنعى التىن دوپ سيلىعىن بىرلەستىرىپ شىعارعان، الەمدەگى ەڭ مارتەبەلى، ىقپالى ەڭ زور جەكەلەي سيلىق ءتۇرى بولىپ، ءارجىلى ءبىر رەت تاراتىلىپ، سول جىلعى ەڭ ۇزدىك فۋتبولشىعا بەرىلەدى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : مۇحيت امانتاي ۇلى

 سۋرەت