تۇركيانىڭ ستامبۇل قالاسىندا قوپارىلىس تۋىلىپ، 10 ادام قازا بولدى

2016.01.13 14:48   كەلۋ قاينارى : حالىق تورابى

　　حالىق تورابى، 13 – قاڭتار، بەيجيڭ. تۇركيانىڭ ەڭ ۇلكەن قالاسى ستامبۇلداعى ايگىلى ساياحات ورنى سۇلتان احمەد الاڭىندا 12 – قاڭتار تۇستەن بۇرىن قوپارىلىس تۋىلىپ، كەمىندە 10 ادام قازا بولىپ، 15 ادام جارالانعان، قازا بولعانداردىڭ كوبى ساياحاتتاپ جۇرگەن شەتەلدىكتەر. تۇركيا پرەزيدەنتى ەردوعان قوپارىلىس ۋاقيعاسى تۋىلعاننان كەيىن، تەلەۆيزيادا ءسوز سويلەپ اتالعان ۋاقيعانى ايىپتاپ، قوپارىلىس ۋاقيعاسىن «سيريا ازاماتى» تۋدىرعانىن ايتتى. ول سونىمەن قاتار مىنانى باسا دارىپتەدى: «تۇركيالىقتار ىنتىماقتاسا وتىرىپ، لاڭكەستىككە سوققى بەرۋىمىز كەرەك».

　　سۇلتان احمەد الاڭى ستامبۇلداعى ەڭ ماڭىزدى ساياحات كورىنىس رايونى بولىپ، بۇل جەردە ايگىلى سوفيا شىركەۋى، كوك مەشت، توپكاپي سارايى جانە جەراستى سارايى قاتارلى ايگىلى قۇرىلىستار بار، ءاركۇنى الەمنىڭ تۇكپىر – تۇكپىرىنەن كەلگەن نەشە ون مىڭداعان ساياحاتشىلار وسىندا ساياحاتتايدى. قازىر قوپارىلىس تۋىلعان ورىندى ساقشى جاق قۇرساۋلادى. جەرگىلىكتى مەديالاردىڭ حابارلاۋىنشا، جارالانعانداردىڭ ىشىندە جاراقاتى اۋىرلار دا بار ەكەن، گەرمانيالىق ساياحاتشىلاردى قامتىعان كوپتەگەن شەتەلدىك ساياحاتشىلار دا قوپارىلىستىڭ زوبالاڭىنا ۇشىراعان. جۇڭگونىڭ ستامبۇلدا تۇراتىن باس ەلشىحاناسى قازىرگە دەيىن جۇڭگو ازاماتتارىنان ءولىم – ءجىتىم بولعاندىعى جونىندە حابار جوق ەكەنىن مالىمدەگەن.

　　كەلۋ قاينارى: حالىق تورابى