جۇلدىزدار جارىسى: بيسلەي رەكورد بۇزىپ، ەڭ ۇزدىك ويىنشى سيلىعىن جالعاستى ەنشىلەدى

2016.01.18 14:27   كەلۋ قاينارى : حالىق تورابى

　　حالىق تورابى، 18 – قاڭتار، بەيجيڭ. CBA جۇلدىزدار جارىسى 17 – قاڭتار كۇنى كەشتە جاڭا رەكوردقا كۋاگەر بولدى، كەزىندەگى NBAدىڭ جۇلدىزى، قازىرگى شاندۇڭ كومانداسىنىڭ مۇشەسى مايكل بيسلەي 63 ءنومىر الىپ، جۇلدىزدار جارىسىنىڭ جەكەلەي ءنومىر الۋ رەكوردتىن تاعى جاڭالاپ، ەڭ ۇزدىك ويىنشى سيلىعىن ەنشىلەدى، سونىمەن قاتار ول باستاپ تۇرعان سولتۇستىك جۇلدىزدار كومانداسى ەڭ سوڭىندا 172:145 ۇپايمەن وڭتۇستىك جۇلدىزدار كومانداسىن جەڭدى.

　　بۇل كەزەكتى جۇلدىزدار جارىسىندا ەڭ كوپ داۋىس جيناعان ويىنشى ي – جيانليان جارىسقا شىققان ۋاقىتى قىسقا بولعانىمەن، ونىڭ العان 22 ءنومىرىنىڭ بارلىعى كارىگە باسىلعان دوپ ەدى. سولتۇستىك جۇلدىزدار كومانداسىنداعى حۇدسون كەرەمەت ويىن كورسەتىپ، ونىڭ العان 21 ءنومىرى تۇگەلدەي ءۇش نومىرلىك دوپتان بولدى.

　　ءۇش نومىرلىك دوپ اتۋ جارىسىنا قاتىناسقان ءۇش دوپشىنىڭ سول كۇن كەشتە جولى بولمادى، سۇن يۋە، جاۋ تايلۇڭ جانە مىڭ دۋو ۇشەۋى قالىپتى شەكتەلگەن ۋاقىت ىشىندە تەك قانا 14 ءنومىر الدى، سوڭعى قوسىمشا ۋاقىت بارىسىندا، جاۋ تايلۇڭ 30 سەكۋندتىڭ ىشىندە 14 ءنومىر الىپ، وسى كەزەكتى ءۇش نومىرلىك جارىستىڭ اعا جۇلدەگەرلىگىن ەنشىلەدى. ءبىراق 14 نومىرمەن اعا جۇلدەگەر بولۋ، جۇلدىزدار جارىسى تاريحىنداعى ەڭ تومەن ءنومىر ەسەپتەلەدى، ءۇش نومىرلىك جارىستا، ەڭ جوعارى ءنومىر العان شەبەر جۋ فاڭيۇي بولىپ، ول 2005 – جىلعى جۇلدىزدار جارىسىنىڭ ءۇش نومىرلىك جارىسىندا 25 ءنومىر العان بولاتىن.

　　كارىگە دوپ باسۋ جارىسىنىڭ اعا جۇلدەگەرلىگى شاڭحاي كومانداسىنىڭ شەبەرى ۋاڭ تۇڭعا بۇيىردى، بۇل 20 جاستاعى جىگىت ەكى رەتكى اينالما جارىستا «دوپتى بۇتىنان وتكىزىپ كارىگە باسۋ» مەن «ادامنىڭ توبەسىنەن ۇشىپ ءوتىپ كارىگە دوپتى باسۋ» ارەكەتىمەن، الاڭداعى 5 باعالاۋشى مەن كورەرمەندەردىڭ جوعارى باعاسىنا يە بولدى. گۋاڭدۇڭ كومانداسىنداعى جوۋ جاندۇڭ شەبەرلىك جارىسىندا الدىڭعى كەزەكتى جارىستا جالعاستى اعا جۇلدەگەر بولعان فاڭ شۋونى جەڭىپ، اعا جۇلدەگەرلىكتى ەنشىلەدى.

　　كەلۋ قاينارى: حالىق تورابى