شي جينپيڭ ازيا نەگىزدىك قۇرىلعىلاردى قارجىلاندىرۋ بانكەسىنىڭ جۇمىس باستاۋ سالتىنا قاتىناسىپ، ءسوز سويلەدى

21 – عاسىرداعى جاڭا تيپتەگى كوپ جاقتى كوركەيتۋ بانكەسىن قۇرىپ، ازيانىڭ جانە دۇنيە ءجۇزىنىڭ دامىپ، گۇلدەنۋىنە جاڭا ۇلەس قوسۋدى دارىپتەدى

2016.01.18 14:59   كەلۋ قاينارى : حالىق تورابى

　　
　　حالىق تورابى، 18 - قاڭتار، بەيجيڭ. 16 – قاڭتار تۇستەن بۇرىن ازيا نەگىزدىك قۇرىلعىلاردى قارجىلاندىرۋ بانكەسىنىڭ جۇمىس باستاۋ سالتى بەيجيڭدەگى دياۋيۇيتاي مەملەكەتتىك قوناق سارايىندا وتكىزىلدى. جۇڭگونىڭ مەملەكەت ءتوراعاسى شي جينپيڭ جۇمىس باستاۋ سالتىنا قاتىناسىپ، ءسوز سويلەپ، مۇشە ەلدەر قول ۇستاسا قۇلشىنسا، ازيا نەگىزدىك قۇرىلعىلاردى قارجىلاندىرۋ بانكەسىنىڭ 21 - عاسىرداعى ارنايىلانعان، جوعارى ءونىمدى، پاك جاڭا تيپتەگى كوپ جاقتى كوركەيتۋ بانكەسىنە، ادامزاتتىڭ تاعدىرلاس ورتاق تۇلعاسىنىڭ جاڭا تەكشەسىنە اينالىپ، ازيانىڭ جانە دۇنيە ءجۇزىنىڭ دامىپ، گۇلدەنۋىنە جاڭا ۇلەس قوسا الاتىنىن، دۇنيە ءجۇزىنىڭ ەكونوميكاسىن وڭاۋعا تىڭ كۇش بولىپ قوسىلاتىنىن دارىپتەدى.

　　شي جينپيڭ مىنانى دارىپتەدى: رەسمي قۇرىلىپ، جۇمىس باستاعان ازيا نەگىزدىك قۇرىلعىلاردى قارجىلاندىرۋ بانكەسى ازيا رايونىنىڭ نەگىزدىك قۇرىلعىلارىن قارجىلاندىرۋدى ويداعىداي ارتتىرادى، وڭىرلىك سەلبەستىكتى جانە ەكونوميكانىڭ ءبىر تۇلعالانۋ اياق الىسىن جەبەيدى، ازياداعى دامۋ ۇستىندەگى مۇشە ەلدەردىڭ قارجىلاندىرۋ ورتاسىن جاقسارتۋعا دا ءتيىمدى، كاسىپتەنۋ ورايىن جاراتىپ، ورتا، ۇزاق مەرزىمدىك دامۋ كومەسكى كۇشىن جوعارىلاتىپ، ازيانىڭ، ءتىپتى دۇنيە ءجۇزىنىڭ ەكونوميكاسىنىڭ ارتۋىندا بەلسەندى جەبەۋ رولىن اتقارادى. ازيا نەگىزدىك قۇرىلعىلاردى قارجىلاندىرۋ بانكەسىنىڭ رەسمي قۇرىلىپ، جۇمىس باستاۋى دۇنيە ءجۇزى ەكونوميكاسىن وڭاۋ جۇيەسىن جاقسارتۋدا كەلەلى مانگە يە، بۇل دۇنيە ءجۇزى ەكونوميكاسىنىڭ جاعدايىن رەتتەۋگە سايكەسكەندىك، دۇنيە ءجۇزى ەكونوميكاسىن وڭاۋ جۇيەسىنىڭ ءتىپتى دە ءادىل، ۇيلەسىمدى، ءونىمدى باعىتقا قاراي دامۋىنا پايدالى. ءبىز مۇشە ەلدەردىڭ ىنتىماق، سەلبەستىك رۋحىن ساۋلەلەندىرىپ، ۇسىنىلىمدى بەلسەندىلىكپەن ارتتىرىپ، ازيا نەگىزدىك قۇرىلعىلاردى قارجىلاندىرۋ بانكەسىنىڭ كاسىپتىك ىستەرىن كەڭەيتۋىن جەبەپ، بانكەنى جەدەل الۋەتتەندىرىپ، كوپ جاقتى كوركەيتۋ بانكەسىنىڭ تۇلعالىق قۋاتىن زورايتىپ، حالىقارالىق دامۋ ىستەرىنە ءتىپتى دە زور ۇلەس قوسۋىن ءۇمىت ەتەمىز.

　　كەلۋ قاينارى: حالىق تورابى