شينجياڭدىق 100 جاستان اسقان ۇيعۇر قارتتىڭ بەيجيڭگە بارۋ ارمانى ورىندالدى

2016.01.20 14:53   كەلۋ قاينارى : حالىق تورابى

　　سۋرەتتە: شينجياڭدىق 100 جاستان اسقان قارت گۇلاۋار مامەتيمين (سولدان ەكىنشى) مەن كەزىندە لياۋنيڭ سوعىس كەمەسىندە مىندەت وتەپ، قازىر اسكەردەن شەگىنگەن ۇيعۇر بويجەتكەن رۋحيام ماتسايدە (سولدان ءۇشىنشى) 19 – قاڭتاردا تيان – انمىن مىنبەرىنە شىعىپ ەكسكۋرسيالادى. جۋىردا شينجياڭ حوتان ايماعى لوپ اۋدانى شارباق اۋىلى قالپا ارىق قىستاعىنداعى 106 جاسقا كەلگەن ۇيعۇر قارت گۇلاۋار مامتيمين تۋىستارىمەن بىرگە بەيجيڭگە كەلىپ، تيان – انمىن مىنبەرىنە شىعىپ، ماۋ زىدۇڭ ەسكەرتكىش سارايىن ەكسكۋرسيالاپ، تەڭىز – مۇحيت سارايى، حايۋاناتتار باقشاسى قاتارلى كورىنىس ورىندارىنا باردى. استانا قالانىڭ كوركىن تاماشالاعان قارت «بەيجيڭ جاقسى ەكەن» دەپ اۋىز جاپپاي ماقتادى.

　　گۇلاۋار مامەتيمين 1910 – جىلى تۋىلعان، قازىر باياشات تۇرمىسقا كەنەلگەن گۇلاۋاردىڭ ەڭ ۇلكەن ارمانى بەيجيڭدى كورۋ بولاتىن. جۋىردا بەيجيڭدەگى قاتىستى ورىنداردىڭ قولداۋىندا بەيجيڭ تەلەۆيزياسى گۇلاۋار قارت پەن ونىڭ پەرزەنتتەرىن بەيجيڭگە كەلىپ شاعان ساۋىق كەشىن ءتۇسىرۋ قيمىلىنا قاتىناسۋعا ۇسىنىس ەتىپ، قارتتىڭ بەيجيڭدى كورۋ ارمانىن ىسكە اسىردى. شينحۋا اگەنتتىگى لو شياۋگۋاڭ فوتوسى

　　كەلۋ قاينارى: حالىق تورابى