حالىق گازەتى، 20 – قاڭتار، ءۇرىمجى. مەملەكەتتىك 13 – كەزكتى قىسقى سپورت جارىسى 20 – قاڭتار كۇنى تۇستەن كەيىن شينجياڭ ۇيعۇر اۆتونوميالى رايونى ءۇرىمجى قالاسىندا سالتاناتپەن اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ ياندۇڭ اشىلۋ سالتىنا قاتىناستى ءارى جارىستىڭ اشىلعانىن جاريالادى.
ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان قارسى الۋ ءسوزىن سويلەدى.
مەملەكەتتىك دەنە تاربيە باس مەكەمەسىنىڭ باستىعى، مەملەكەتتىك 13 – كەزەكتى قىسقى سپورت جارىسىن ۇيىمداستىرۋ كوميتەتىنىڭ مەڭگەرۋشىسى ليۋ پىڭ اشىلۋ ءسوزىن سويلەدى. اشىلۋ سالتىن شينجياڭ ۇيعۇر اۆتونوميالى رايونىنىڭ ءتوراعاسى، مەملەكەتتىك 13 – كەزەكتى قىسقى سپورت جارىسىن ۇيىمداستىرۋ كوميتەتىنىڭ اتقارۋشى مەڭگەرۋشىسى شوكرات زاكىر باسقاردى. اشىلۋ سالتىنداعى ويىن نومىرلەرى «قار – مۇزدى ءتاڭىرتاۋ، شۇعىلالى جىبەك جولى» اتتى تاقىرىپتى توڭىرەڭتەي وتىرىپ، «قار – مۇزبەن قاۋىشۋ»، «ءتاڭىرتاۋعا ماحاببات»، «جۇڭگو ارمانى» قاتارلى ءۇش مازمۇننان قۇرالىپ، تىرشىلىك تىنىسىنا، ومىرشەڭدىك كۇشكە تولى كورىكتى شينجياڭدى ايگىلەدى.
كەلۋ قاينارى: حالىق تورابى