بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

قابا اۋدانىنىڭ التىن مەدال يەگەرى ــ بەيسەنبى

2016.02.29 13:54   كەلۋ قاينارى : حالىق تورابى



  جانات قايسا ۇلى، ازامات ءارحام ۇلى حابارلايدى. قابا اۋدانىنىڭ ءتول تۋماسى، يۇننان جۇڭۋەي سەرىكتەستىگى بوكسەر كلۋبىنىڭ كاسىپقوي بوكسەرشىسى بەيسەنبى ءناسيوللا ۇلى 12 - اقپان سىچۋان ولكەسى لۋجوۋ قالاسىندا وتكىزىلگەن 2016 - جىلعى 4 - كەزەكتى «ورتالىق تەلەۆيزيانىڭ جاڭا جىلدى قۇتتىقتاۋ ساۋىتىنا تالاسۋ» اتىنداعى بوكسەر جارىسىندا بەلىنە التىن بەلبەۋ تاعىپ، 24 - اقپان اۋىلعا تابىسپەن ورالدى.

  11 - اقپاننان 12 - اقپانعا دەيىن ەكى كۇندىك ۋاقىتپەن وتكىزىلگەن 2016 - جىلعى 4 - كەزەكتى ورتالىق تەلەۆيزياسىنىڭ «جاڭا جىلدى قۇتتىقتاۋ ساۋىتىنا تالاسۋ» جارىسى سىچۋان ولكەسى لۋجوۋ قالاسىندا وتكىزىلدى، جارىسقا گانا، برازيليا، ۋەنەسۆەلا، جۇڭگو سىندى 4 مەملەكەتتەن كەلگەن 28 سپورتشى جارىسقا ءتۇسىپ باق سىنادى، 12 - اقپان كەشتە بەيسەنبى 63.5 كيلوگرامدىق سالماقپەن گانا مەملەكەتىنەن كەلگەن تاكى اننانمەن 10 اينالىمدىق جارىسقا تۇسەدى. جارىس باستالىپ، 1 – اينالىمدا بەيسەنبى ءادىس پەن ايلاسىن ىستەتە وتىرىپ، قارسىلاسىن اۋىر سوققىنىڭ استىنان الادى، 2 مينۋت 23 سەكۋندتا تاكى اننان بەيسەنبىنىڭ اۋىر سوققىسىنا شىداماي، جارىس مايدانىنان كەتۋگە ءماجبۇر بولادى، بەيسەنبى وسى رەتكى جارىستا جاستار اراسىنان WBC اسا جەڭىل سالماقتاعى دۇنيە جۇزىلىك التىن بەلبەۋىن جەڭىپ الدى.

  بالا كۇنىنەن سپورتقا، اسىرەسە بوكسەر ونەرىنە جانى اۋەس بەيسەنبى 2007 - جىلدان باستاپ كوپتەگەن بوكسەر شەبەرلەرى مەن سپورت ساڭلاقتارىن تاربيەلەپ قاتارعا قوسقان بوكسەر بازاسى بولعان اۋداندىق ورتالاۋ مەكتەپ بوكسەر كومانداسىنا كەلىپ، بوكسەر باپكەرى مۇرات بوشاي ۇلىنىڭ جەتەلەۋىندە بوكسەرگە ماشىعادى. بەيسەنبى مۇرات بوشاي ۇلىنىڭ قاتاڭ جاتتىقتىرۋى مەن ءوزىنىڭ بوكسەر سپورتىنا دەگەن قىزىعۋى جانە جاپالى جاتتىعۋ جاساۋىنىڭ ارقاسىندا بوكسەر سپورتىنىڭ قىرى مەن سىرىنا ابدەن قانىعىپ، ءوز تالانتىن ۇشتاي تۇسەدى. وزىنە قاتاڭ تالاپ قويىپ، تىنباي جاتتىىعۋ جاساپ، قۇلشىنىس جاساۋ ارقىلى ءبىرقانشا مارتە التاي ايماقتىق، رايوندىق بوكسەر جارىستارىنا قاتىناسىپ، ءوز سالماعىندا جەكە - جەكە 1 -، 2 - دارەجەلى بولۋداي جاقسى ناتيجەلەرگە قول جەتكىزەدى.

  ەستەرىڭىزگە سالا كەتسەك ، 2013 - جىلى تامىز ايىندا، 2012 – جىلى جەلتوقساندا، 2014 - جىلى قاڭتاردا حىنان ولكەسى جىڭجوۋ قالاسىندا وتكىزىلگەن WBV، BCA بوكسەر جارىسىنىڭ سارالاۋ جارىسىندا 64 كيلوگرامدىق سالماقتاعىلار بويىنشا بەيسەنبى ارت - ارتىنان 3 مارتە التىن مەدالعا يە بولادى.

  «سۇيەر ۇلىڭ بولسا سەن ءسۇي، سۇيىنەرگە جارار ول» دەگەندەي اۋىلعا ورالعان بەيسەنبىنى اتا - اناسى، تۋىس - تۋعاندارى، اۋىلداستارى قۋانا قارسى الىپ، اق سامايلى انالار اق شاشۋىن شاشىپ، بەيسەنبىنىڭ التىن بەلبەۋىن قۇتتىقتاپ، الداعى ساپارىنا ساتتىلىك تىلەدى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 
جاۋاپتى رەداكتورى : نۇرعيسا قۇرمانجان ۇلى

 سۋرەت