گۋاڭدۇڭدا ۋلى زات اتكەزشىلىگىمەن اينالىساتىن ەرەكشە ءىرى جەلىلەس دەلو اشكەرەلەندى

2016.02.29 16:15   كەلۋ قاينارى : حالىق تورابى

　　حالىق تورابى، 29 – اقپان، بەيجيڭ. تورابىمىزدىڭ 26 – اقپان كۇنى تۇستەن كەيىن گۋاڭدۇڭ ولكەلىك قوعام حاۋىپسىزدىگى مەڭگەرمەسىنەن ۇعىسۋىنشا، جاقىندا، گۋاڭدۇڭ ولكەلىك قوعام حاۋىپسىزدىگى مەڭگەرمەسى پارتكومنىڭ «2016 – جىلعى سۇراپىل داۋىل» ناجاعايداي تەزدىكپەن ۋلى شەگىمدىك ارەكەتىن الاستاۋ قىزمەتىن ورنالاستىرۋى بويىنشا، گۋاڭدۇڭ ولكەلىك قوعام حاۋىپسىزدىگى مەڭگەرمەسى گۋاڭجوۋ، شىنجىن، جۋحاي، فوشان، حۇيجوۋ، جاۋچيڭ، جياڭمىن، شانۋەي قاتارلى جەردەگى قوعام حاۋىپسىزدىك تاراۋلارىن ۇيىمداستىرىپ، شىنجىن، جۋحاي كەدەن مەكەمەسى، ساقشى جاعى جانە ولكەلىك شەكارا قورعانىس جانە ولكەلىك تەڭىز ساقشى باس اترەتى قاتارلى تاراۋلارمەن بىرلەسىپ، ىلگەرىندى – كەيىندى 5 رەت شوعىرلى تۇردە ءبىر تۇتاس ۇستاۋ قيمىلىن ورىستەتىپ، جيىنى 60 قىلمىس كۇماندىسىن ۇستاپ، ۋلى زات جاسايتىن ءبىر ورنىنىڭ كوزىن قۇرتىپ، ءمولدىر ۋلى زاتتان 3.32 توننانى، جارتىلاي مانەرلەنگەن ۋلى زاتتان 1.21 توننانى، ۋلى زات جاسايتىن شيكىزاتتان 226 كيلوگرام، ۋلى زات تاسيتىن 11 كەمەنى قولعا ءتۇسىرىپ، گۋاڭدۇڭنان شىعىس ازيا رايونىنا اتكەزشىلىكپەن ۋلى زات تاسىمالدايتىن تەڭىز جولىن ۇزدى.

　　كەلۋ قاينارى: حالىق تورابى