لي كىچياڭ شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناستى

2016.03.11 13:57   كەلۋ قاينارى : حالىق تورابى

　　حالىق تورابى، 11 – ناۋرىز، بەيجيڭ. شينحۋا تورابىنىڭ حابارلاۋىنشا، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليى لي كىچياڭ 10 – ناۋرىز كۇنى مەملەكەتتىك 12 – كەزەكتى حالىق قۇرىلتايىنىڭ 4 – ماجىلىسىنە قاتىناسىپ جاتقان شينجياڭ ۇيعۇر اۆتونوميالى رايوندىق ۋاكىلدەر ۇيىرمەسىنىڭ باياندامانى قاراۋىنا قاتىناستى. جيىن ۇستىندە ۇيعۇر ايەل ۋاكىل زۇڭليگە تاقيا كيگىزدى. زۇڭلي كوپشىلىكپەن شىنايى امانداسىپ: «الىستان كەلدىڭىزدەر، بارلىقتارىڭىزبەن قول الىسىپ شىعايىن»، - دەپ ۋاكىلدەرمەن ءبىر – بىردەن قول الىستى.

　　لي كىچياڭ شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: دامۋ ــ ورنىقتىلىقتىڭ نەگىزى، ورنىقتىلىق ــ دامۋدىڭ العى شارتى

　　لي كىچياڭ 10 – ناۋرىزدا شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، شينجياڭنىڭ دامۋدى تەزدەتىپ، قوعام ورنىقتىلىعىنىڭ ەكونوميكالىق نەگىزىن بەكەمدەۋى كەرەك ەكەنىن ايتتى. زۇڭلي بارلىق ماسەلەنى شەشىم ەتۋدىڭ تەتىگى دامۋدا ەكەنىن، دامىمايىنشا حالىق تۇرمىسىن جاقسارتۋعا بولمايتىنىن، قوعام ورنىقتىلىعىنىڭ دا نەگىزى بولمايتىنىن. سونىمەن بىرگە، قوعام ورنىقتىلىعىنىڭ دامۋعا تاماشا شارت – جاعداي ازىرلەپ بەرەتىنىن ايتتى.

　　لي كىچياڭ ۇيعۇر ۋاكىلدىڭ حانزۋ تىلىندە جاتتىق سويلەگەنىن، ءسوز الىسىنىڭ تارتىمدى بولعانىن ماقتادى

　　لي كىچياڭ 10 – ناۋرىزدا شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، نەگىزگى ساتىدان كەلگەن ۇيعۇر ۋاكىل ءوزىنىڭ العاش مەملەكەتتىك حالىق قۇرىلتايى ۋاكىلى بولعان كەزدە حانزۋ ءتىلىن بىلمەيتىنىن، 4 جىل قۇلشىنۋ ارقىلى حانزۋ ءتىلىن يگەرگەنىن بىلدىرە كەلە، ءالى دە «زور ولقىلىق» بار ەكەنىن ايتتى. زۇڭلي ونىڭ حانزۋشانى جاتتىق سويلەگەنىن، ءسوز الىسىنىڭ تارتىمدى بولعانىن ماقتاپ: «كوپتەگەن اۋىلداستاردىڭ ‹ىستەيتىن جۇمىسى، تاباتىن اقشاسى› بولسا ەكەن دەگەن تىلەگىڭدى ايتتىڭ، بۇل جاي ءسوز سياقتانعانىمەن، حالىق تۇرمىسىنا قاتىستى ماڭىزدى مازمۇن قامتىلعان ءسوز»، - دەدى.

　　لي كىچياڭ: شينجياڭدا «ەل بولىپ كاسىپ كوزىن اشۋ، جۇرت بولىپ جاڭالىق جاراتۋدى» پارمەندى ىلگەرىلەتىپ، كاسىپتەنۋگە جەبەۋ بولىپ، حالىق تۇرمىسىن جاقسارتايىق

　　لي كىچياڭ زۇڭلي 10 – ناۋرىزدا شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: شينجياڭعا بارعاندا ءار ۇلت حالقىنىڭ پاراساتتى ەكەنىن، كوپتەگەن سونى ويلاردىڭ بارلىعىن، بۇل ارانىڭ كاسىپ كوزىن اشۋدىڭ قۇنارلى توپىراعى ەكەنىن سەزىندىم. شينجياڭ «ەل بولىپ كاسىپ كوزىن اشۋ، جۇرت بولىپ جاڭالىق جاراتۋدى» پارمەندى ىلگەرىلەتۋى، ءار دارەجەلى ۇكىمەت ءار ۇلت بۇقاراسىنىڭ كاسىپ كوزىن اشۋىنا، جاڭالىق جاراتۋىنا جاڭا مىنبەر دايىنداپ بەرۋى، كاسىپتەنۋ سىندى حالىق تۇرمىسىنا قاتىستى ەڭ ءىرى ءىستى كۇش سالا ىلگەرىلەتۋى كەرەك.

　　لي كىچياڭ ۋاكىلدەردىڭ شىن ىقىلاسپەن شينجياڭعا شاقىرعانىنا جاۋاپ قايتاردى: «قاناعاتتانارلىق جاۋاپتى» الىپ شينجياڭعا باراتىن بولامىن

　　لي كىچياڭ 10 – ناۋرىزدا شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، كوپتەگەن ۋاكىلدەر لي كىچياڭ زۇڭليدى شينجياڭعا بارىپ قىزمەتتى كوزدەن كەشىرۋگە شىن ىقىلاسپەن ۇسىنىس ەتتى. لي كىچياڭ: ۋاقىت شىعارىپ باراتىن بولامىن. مەن ەندىگى رەت بارعانعا دەيىن، مەملەكەتتىك كەڭەستىڭ قاتىستى تاراۋلارى جاڭا بىرنەشە ۋاكىل ايتقان پىكىرلەردى شەشۋدىڭ امالىن ءسوزسىز تاۋىپ، شينجياڭداعى ءار ۇلت حالقىنا «قاناعاتتانارلىق جاۋاپ» بەرەتىندەي بولىپ بارۋىم كەرەك، - دەدى.

　　لي كىچياڭ: شينجياڭنىڭ جولدارىن ىركىلىسسىزدەندىرۋ، سۋ پايدالانۋ جاعىندا مولشىلىققا كەنەلتۋ، بارشا الابىن نۇرعا بولەۋ كەرەك

　　لي كىچياڭ زۇڭلي 10 – ناۋرىزدا شينجياڭ ۇيعۇر اۆتونوميالى رايوندىق ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەدى: نەگىزدىك قۇرىلعى قۇرىلىسىن كۇشەيتۋ شينجياڭنىڭ دامۋى مەن مەملەكەتتىك حاۋىپسىزدىگىندە ولشەۋسىز رول اتقارادى. ءارى بۇل ەلىمىزدىڭ شىعىسى مەن باتىسىنىڭ دامۋ ورەسىندەگى بىركەلكىسىزدىكتى شەشىم ەتۋدەگى ماڭىزدى بۋىن. قاتىناس، سۋ يگىلىگى، ەلەكتر قۋاتى قاتارلى وبيەكتىلەردە شينجياڭعا ءتيىمدى ساياساتتاردى بەلگىلەپ، وتاننىڭ وسى ءبىر ىرىستى ولكەسىندە قاتىناستى ىركىلىسسىزدەندىرىپ، سۋ پايدالانۋ جاعىندا مولشىلىققا كەنەلتىپ، بارشا الابىن نۇرعا بولەۋ كەرەك.

　　لي كىچياڭ: وقۋ – اعارتۋ دامۋ مەن ورنىقتىلىقتىڭ نەگىزى، شينجياڭ مەن بۇكىل ەلىمىزدىڭ ءۇمىتى مەن بولاشاعى

　　لي كىچياڭ 10 – ناۋرىزدا شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، ءبىر ۋاكىل قاشقار ايماعىنداعى وقىتۋشىلاردىڭ قۇرىلىمدىق سيپاتتى شتات كەمشىلدىگى ماسەلەسىن ورتاعا قويدى. زۇڭلي: شتات جەتىسپەگەن مۇعالىمدەر نەگىزىنەن قوس ءتىل مۇعالىمى مە، - دەپ سۇراعاندا، ۋاكىل بارلىعى دا كەمشىل ەكەنىن ايتتى. زۇڭلي سول ارادا جيىندى تىڭداپ وتىرعان وقۋ – اعارتۋ مينيسترىنە مۇقيات زەرتتەپ شەشىم ەتۋدى تاپسىردى. ول: وقۋ – اعارتۋ دامۋ مەن ورنىقتىلىقتىڭ نەگىزى، شينجياڭ مەن بۇكىل ەلىمىزدىڭ ءۇمىتى مەن بولاشاعى، - دەدى.

　　لي كىچياڭ وزبەك ماتەلىن پايدالاندى: كۇش ــ بىرلىكتە

　　لي كىچياڭ: «حانزۋلاردا ‹دوس نيەتتەس بولسا، المايتىن قامالى بولماس› دەگەن ماقال بار. شينجياڭداعى وزبەك حالقىندا دا ‹كۇش ــ بىرلىكتە› دەگەن ماتەل بار ەكەن»، - دەدى 10 – ناۋرىزدا شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا. زۇڭلي ۇلتتار ىنتىماعى شينجياڭداعى ءار ۇلت حالقىنىڭ بەرەكە – بىرلىكتە بولىپ، باقىتتى دا باياشات تىرلىگىنىڭ ارقاۋى ەكەنىن ايتا كەلىپ، ۇلتتار ىنتىماعىن كۇش سالا قورعاۋ، قوعامنىڭ جاراسىمدىلىعى مەن ورنىقتىلىعىن ساقتاۋ كەرەك ەكەنىن ايتتى. (شينحۋا اگەنتتىگى «شينحۋا نازارى» ميكروبلوگىنىڭ حابارى نەگىزىندە)

　　كەلۋ قاينارى: حالىق تورابى