«ىرىستى ىلەدە ناۋرىز» اتتى ساۋىق كەش دۋماندى وتكىزىلدى

حابارىن جازىپ سۋرەتتەرىن تۇسىرگەن باقىتبەك ءجۇمادىل ۇلى

2016.03.14 13:17   كەلۋ قاينارى : حالىق تورابى

　　ىلە قازاق اۆتونوميالى وبلىسىنىڭ مەشىن جىلىنداعى ناۋرىز مەرەكەسىن تويلاۋعا ارنالعان «ىرىستى ىلەدە ناۋرىز» اتتى ارناۋلى تەلەۆيزيا ساۋىق كەشى 13 - ناۋرىز كۇنى قۇلجا قالاسىنداعى 4 - ديۆيزيا مادەنيەت ورتالىعىندا سالتاناتتى ءوتتى.

　　بۇل ساۋىق كەشتى ىلە وبلىستىق پارتكوم ۇگىت ءبولىمى، مادەنيەت - دەنە تاربيە - كينو - تەلەۆيزيا مەكەمەسى باس بولىپ، ىلە وبلىستىق ءان - ءبي ۇيىرمەسى، ىلە تەلەۆيزياسى قاتارلى ورىندار ۇستىنە الىپ وتكىزدى. ىلە وبلىسىنىڭ ءتورت باسشىلىق القاسىنداعى باسشىلار مەن ءبىر ءبولىم دەمالىسقا، زەينەتكە شىققان قارت كادرلار جانە 1200دەن ارتىق ءار سالا جۇرتشىلىعى بىرگە ساۋىق كەشتى تاماشالادى.

　　جۇرگىزۋ فورماسى جاڭا، ءان - ءبي نومىرلەرى قويۋ ۇلتتىق ءتۇس العان بۇل كونسەرت حالىقتىق كوركەمونەردىڭ زامانا مادەنيەتىمەن ۇشتاسقان كەمەلدى ورەسىن بايقاتسا، كونسەرت مازمۇن جانە فورما جاقتان ىلەدەگى ءار ۇلت حالقىنىڭ باقىتتى تۇرمىسىن، جاپپاي دوڭگەلەك داۋلەتتى قوعام قۇرۋعا بەت العان ورنىقتى دا بەرەكەلى ىلەنىڭ ءسان- سالتاناتىن ايقىن بەينەلەدى. جۋىقتا عانا قازاقستان ەلىندە ەكى ءتۇرلى ونەر بايقاۋىنا قاتىناسىپ، بارشانى تامساندىرعان جاس ءانشى ءجاننات ءادىلقان قىزى، «كۇمىس كومەي ءانشى» اتالعان مىرزاتاي بەكسۇلتان ۇلى سياقتى جاس ونەر جۇلدىزدارىنىڭ اندەرى تىڭداۋشىسىن ءتانتى ەتىپ، ساۋىق كەشتىڭ مەرەيىن اسىرا تۇستى.

　　اۆتوردىڭ قىزمەت ورنى: ىلە حالىق راديو ستانسياسى

　　كەلۋ قاينارى: حالىق تورابى