سيريا داعدارىسىنا 5 جىل: تەزىرەك باياندى بەيبىتشىلىك ورناعاي

2016.03.15 13:41   كەلۋ قاينارى : حالىق تورابى

　　سۋرەتتە: ءبىر اسكەر 2016 – جىلى 24 – اقپان كۇنى سيريا استاناسى داماشىقتىڭ باتىس وڭتۇستىگىندەگى سوعىس ورتىنە ورانعان دالايا قالاسىندا شايقاس جاعدايىن باقىلاۋدا. سيريادا قاقتىعىسقا قاتىناسقان ءارقايسى جاقتار اراسىندا سوعىس توقتاتۋ تۋرالى ا ق ش پەن رەسەي اراسىنداعى كەلىسىمشارت سيريا ۋاقىتى بويىنشا 27 – اقپان كۇنى ساعات نولدە (بەيجيڭ ۋاقىتى بويىنشا 27 - اقپان كۇنى تاڭ ءسارى ساعات 6دا) رەسمي كۇشكە يە بولدى. شينحۋا اگەنتتىگىنىڭ ءتىلشىسى ياڭ جىن فوتوسى

　　2011 – جىلى 15 – ناۋرىزدان باستاپ سيريادا ىشكى سوعىس تۋىلىپ، كوپتەگەن ەلدەر ارالاسقان بۇل سوعىسقا 5 جىل بولدى. 5 جىلدىق سوعىس الاپاتى سيريانى ءتۇرلى ساياسي كۇشتەردىڭ قارىمتا سىناساتىن الاڭىنا اينالدىردى؛ 5 جىلدىق سوعىس الاپاتى سيريالىقتارعا اشتىق پەن ءولىم، اتا قونىسىنان بوسۋ تاقسرەتىن تارتقىزدى. بىرىككەن مەملەكەتتەر ۇيىمىنىڭ ساناعىنا قاراعاندا، جىلدارعا سوزىلعان سوعىس سەبەبىنەن ،اتالعان ەلدە 250 مىڭنان استام ادام ومىرگە حوش ايتقان، ميلليوننان استام ادام جارالانعان، 6 ميلليون 500 مىڭنان استام ادام تەرريتوريا اۋماعىندا اتا قونىسىنان اۋدى، شامامەن 4 ميلليون 500 مىڭداي ادام شەتەلگە باس ساۋعالاپ قاشتى. ا ق ش پەن رەسەي 2016 – جىلى 22 – اقپاندا سيرياداعى قاقتىعىسقا قاتىناسقان ءارقايسى جاقتار اراسىندا سوعىس توقتاتۋ كەلىسىمشارتىن جاساعان، 27 – اقپاندا كەلىسمشارت كۇشكە يە بولعاننان بەرى ءارقايسى جاقتار كەلىسىمشارتقا نەگىزىنەن بويسۇنىپ، زورلىقتى كۇش ارەكەتتەرى بارىنشا ازايدى. سيريا داعدارىسى بۇرق ەتە تۇسكەنىنە 5 جىل بولعان كەزەڭدە، سيريا ماسەلەسىنە قاتىستى كەلىسسوز وتكىزەتىن ءارقايسى جاقتار 2016 – جىلى 14 – ناۋرىزدا جەنەۆادا قايتا باس قوسىپ، ماندىك سيپات الاتىن كەلىسسوزدى قايتا باستادى. سوعىس توقتاتۋدىڭ سوڭى تاتۋلاسۋعا ۇلاسىپ، وسى ءبىر بەيبىتشىلىك ساۋلەسىنىڭ سيريا حالقىنىڭ باقىت تاڭى بولىپ اتۋىن تىلەيمىز.

　　كەلۋ قاينارى: حالىق تورابى