شالقىعان شاڭىراعىندا ىرىس نۇرى، اعاجايدا تويلاندى ۇلىس كۇنى

2016.03.21 15:21   كەلۋ قاينارى : حالىق تورابى

　　گۇلميرا داۋلەتبەك قىزى حابارلايدى. بەسىگىن قىدىر تەربەتكەن، قاسيەتىنە باس ۇرىپ، سانسىز ۇرپاق ەرجەتكەن، تاۋلارى اسپانداپ ويلانىپ، دالاسى داستانعا اينالعان، جەر ۇيىعى اعاجاي التايدا 20 – ناۋرىز بابا ءداستۇرىنىڭ التىن ۇزىگى بولعان ناۋرىز مەرەكەنى قارسى الۋ بۇقارالىق مادەنيەت ساۋىق كەشى وتكىزىلدى.

　　كونسەرتتى ايماقتىق مادەنيەت، دەنە تاربيە، راديو، كينو – تەلەۆيزيا، اقپارات – باسپا ءسوز مەكەمەسى ۇيىمداستىرىپ، ايماقتىق مادەنيەت سارايى ۇستىنە الىپ وتكىزدى.

　　«ساحاراداعى شاباندوزدار» اتتى توپتىق بيمەن ساۋىق كەشتىڭ شىمىلدىعى اشىلدى. ودان ارى ءارقايسى اۋدان – قالاداعى كاسىپتەن سىرتقى ونەرپازداردىڭ دايىنداعان ويىن نومىرلەرىنە ۇلاستى، بۇل كەشتىڭ جىلداعىعا ۇقساماستىعى دا وسىندا ەدى. قابا اۋدانىنان كەلگەن شارۋالار شاعىن وتباسىلىق وركەستىردە «ءالحيسسانى» ساحناعا كوتەرسە، «بۇگىنگى ساليحا مەن سامەن» ەتيودى بۇگىنگى زامانداعى جاستار ماحابباتىن تىلگە تيەك ەتتى، قاناتبەك زايتوللا ۇلى مەن نۇرگۇل ءانداستان قىزى دا تاماشا ايتىسمەن ناۋرىز مەرەكەسىنە شاشۋ الا كەلىپتى.

　　ساۋىق كەش ايماعىمىزداعى ءار ۇلت حالقى پارتيانىڭ پارمەندى باسشىلىعىندا، قوعام ورنىقتىلىعى مەن باياندى تىنىشتىعىنىڭ تاماشا رۋحاني بەت – بەينەسىن جاراتىپ، ءار ۇلت بۇقاراسىنىڭ ءوندىرىسى مەن تۇرمىسىنداعى زور وزگەرىستەردى جىرلادى. سىڭسىعان ءان، سىڭعىرلى كۇي، مىڭ بۇرالعان بيمەن ادىپتەلىپ، جانعا شۋاق، كوڭىلگە كۇلكى باعىشتايتىن ءازىل – قالجىڭدارمەن ساۋىق كەشتىڭ ءسانىن اسىردى.

　　ايماق باسشىلارىنان امان كودەباي ۇلى، رازبەك قامزا ۇلى، باقىت ينايات ۇلى قاتارلىلار ساۋىق كەشتى تاماشالادى.

　　كەلۋ قاينارى: حالىق تورابى