كۇنەس اۋداندىق 1- ورتا مەكتەپتە «التىن ۇيادا ءاز ناۋرىز» اتتى كونسەرتتىك قيمىل ءوتتى

فوتوعا ءتۇسىرىپ حابارىن جازعان: ەرنۇر ماناپقان ۇلى 

2016.03.23 15:10   كەلۋ قاينارى : حالىق تورابى

　　ناۋرىز ايى قازاقشا جىل باسى، بۇل كەزدە قاقاعان قىستىڭ ىزعارى باسىلىپ، قىس ءوتىپ، كۇن جىلىنىپ، كوكتەم كەلىپ، ەسكى جاڭارادى، جاڭا جاينايدى. وسى كەزەڭدە تابيعات ۇيقىسىنان ويانىپ، كۇن ساۋلەسى جىلى شۋاعىن شاشىپ، قۇستار ءان سالىپ، جاراتىلىس اتاۋلىعا جان ءبىتىپ، جەر بۋسانىپ، دالا جاسىل جەلەككە ورانىپ، قىراتتار الۋان تۇسكە بولەنە باستايدى، ءتورت تۇلىك مال تولدەپ، اق كوبەيىپ، جاس تولدەر مەن بالالاردىڭ اق ۋىزبەن مول سۇتكە اۋزى تيەدى. ءدال وسىنداي ساليحالى كەزەڭدى ۇلتىمىز ۇلىستىڭ ۇلى كۇنى ناۋرىز مەرەكەسى ەتىپ بەلگىلەگەن. وسى ناۋرىز ايىنىڭ 22 - جۇلدىزى مەكتەبىمىز «التىن ۇيادا ءاز ناۋرىز» اتتى كونسەرتتىك قيمىل وتكىزىپ، ناۋرىزدىڭ كادەلى جىلىگى بولعان كارى جىلىك پەن قوسىپ قازان- قازان ەت اسىپ، سۇزبە - قۇرت ەزىپ، داستارقانىن الۋان ءتۇرلى دامگە تولتىرىپ، اۋدان باسشىلارى مەن كورشى مەكتەپتەردەگى باسشىلاردى كوجەگە شاقىرىپ، كونە جىلدى امان - ەسەن وتكىزگەنىنە قۋانىپ، جاڭا جىلدى قارسى الىپ، جاڭا جىلعا دەگەن تىلەكتەرىن ايتىپ، جاڭا جىلدىڭ شاتتىق تويى مەن بەرەكە تويىن بىرلىكتە تويلادى.

　　مەكتەبىمىزدەگى مەرەكە تويى باستالعان ساتتە مەكتەپ پارتيا ياچەيكا سەكراتارى قۇرمانجان بەكمۇحامەت ۇلى مەن مەكتەپ مەڭگەرۋشىسىءمينا تىلەۋقابىل قىزى بارلىق كەلگەن قوناقتارمەن وقىتۋشى - وقۋشىلارعا: مەشىن جىلى قۇتتى بولسىن، وتباستارىڭىز امان، شاڭىراقتارىڭىز بيىك، كۇندەرىڭىز كوڭىلدى بولسىن، قىزمەتتەرىڭىز، ۇيرەنۋلەرىڭىز تابىستى، دەنساۋلىقتارىڭىز مىقتى بولسىن، ۇلىس وڭ بولسىن، اق مول بولسىن، ناۋرىز مەرەكەلەرىڭىز قۇتتى بولسىن دەگەن تىلەكتەرىن ءبىلدىرىپ جالپى كوپشىلىكتى كوجە ءىشىپ، مەرەكەلىك كونسەرتتى تاماشالاۋعا شاقىردى.

　　بۇل رەتكى ناۋرىز كونسەرتى مەكتەبىمىزەگى وقۋشىلاردان قۇرالعان دومبىرا وركەستىرىنىڭ ورىنداۋىنداعى «ەركە سىلقىم» كۇيىمەن كونسەرت شىمىلدىعىن اشىپ، وقۋشىلارىمىزدىڭ ۇلتتىق اسپابىمىز دومبىراعا بولعان قىزعىندىلىعىن ءبىر قىرىنان بەينەلەپ بەرۋمەن بىرگە، وقۋشى - وقىتۋشىلار دايىنداعان ءتۇرلى ءان - ءبي قاتارلى كونسەرتتىك نومىرلەرى ارقىلى ناۋرىز كونسەرتىنىڭ مەرەيىن اسىرىپ، شاتتىققا بولەپ، كونسەرتتى ءوز مارەسىنە جەتكىزدى.

　　كەلۋ قاينارى: حالىق تورابى