قازاقستاندا جولاۋشىلار ۇشاعى ۇشۋ – قونۋ قوندىرعىسىندا كىنارات بولعاندىعى سەبەپتى جەر ءسۇزىپ قونۋعا ءماجبۇر بولدى

2016.03.29 15:18   كەلۋ قاينارى : حالىق تورابى

　　حالىق تورابى، 29 – ناۋرىز، بەيجيڭ. رەسەي اگەنتتىگىنىڭ 27 – ناۋرىز كۇنى حابارلاۋىنشا، ءبىر جولاۋشىلار ۇشاعى 27 – ناۋرىز كۇنى ۇشۋ – قونۋ قوندىرعىسىندا كىنارات بولعاندىعى سەبەپتى قازاقستاننىڭ استانا حالىقارالىق اۋەجايىندا ءماجبۇري قوندىرىلعان، ۇشاق جەر باۋىرلاپ، تۇمسىعى جەر سۇزە 30 مەتر ارالىققا سىرعاناپ بارىپ توقتاعان، باقىتقا جاراي ۇشاقتاعى جولاۋشىلار ءدىن امان.

　　استانا حالىقارالىق اۋەجايىنىڭ حابارلاۋىنشا، 27 – ناۋرىز تۇستەن بۇرىن، قازاقستان بەك اير اۆياتسيا سەرىكتىگىنە قاراستى Z92041 ءنومىرلى ۇشاعى ۇشۋ – قونۋ قوندىرعىسىندا كىنارات بولعاندىعى سەبەپتى، ۇشاق باستىعىنىڭ شەشىمى بويىنشا ءماجبۇري قونعان. استانا اۆەجايى دا ءماجبۇري قوندىرىلعانداعى حاۋىپ – قاتەردىڭ الدىن الۋ ءۇشىن شۇعىل شارالار قولدانعان، ۇشاق 30 مەتر ارالىققا جەر باۋىرلاپ بارىپ توقتاعان.

　　سول كۇنى كەشكە تاياۋ، قازاقستان قاتىناس تەكسەرۋ مەكەمەسى مالىمدەمە جاريالاپ: ۇشاقتاعى 116 جولاۋشى مەن 5 ۇشاق قىزمەتكەرىن قامتىعان بارلىق ادامنىڭ ءدىن امان ەكەنىن، قاتىناس تەكسەرۋ مەكەمەسى ۋاقيعا تۋىلۋ سەبەبىن ىشكەرىلەي تەكسەرەتىنىن جاريالاعان.

　　كەلۋ قاينارى: حالىق تورابى