باركولدە قازاق ەمشىلىگى شيپاحاناسى قۇرىلدى

2016.03.31 15:02   كەلۋ قاينارى : حالىق تورابى

　　حالىق تورابى، 31 - ناۋرىز، بەيجيڭ. سۋرەتتە: 28 - ناۋرىز كۇنى، باركول اۋدانىنداعى قازاق ەمشىلىگى شيپاحاناسىنىڭ قۇرىلۋ سالتى وتكىزىلۋدە. باركول قازاق اۆتونوميالى اۋدانىنىڭ اكىمى ەرجان، اۋداندىق پارتكوم تۇراقتى كوميتەتىنىڭ مۇشەسى نۇرلان، اكىمنىڭ ورىنباسارى ياڭ رۇيفاڭ، دەنساۋلىق ساقتاۋ مەكەمەسى پارتگرۋپپاسىنىڭ مۇشەسى، قازاق ەمشىلىگى شيپاحاناسىنىڭ قىزمەتكەرلەرى جانە ٵر دارەجەلى ەمدەۋ - دەنساۋلىق ساقتاۋ ورىندارىنىڭ جاۋاپتىلارىن قامتىعان 100گە تارتا ادام ىرگە تاسىن قالاۋ سالتىنا قاتىناستى.

　　قازاق ەمشىلىگى شيپاحاناسى قازاق ەمشىلىگى ىشكى اۋرۋلار ءبولىمى، قازاق ەمشىلىگى دارىلىك بۇلاۋمەن ەمدەۋ ءبولىمى، سۇيەك - سىرتقى اۋىرۋلار ءبولىمى، ايەلدەر ءبولىمى، تەرى اۋىرۋلار ءبولىمى، ءدارى ءبولىمى قاتارلى ەرەكشە بولىمدەردەن قۇرالعان، مۇندا، نەگىزىنەن بۇلاۋعا سالۋ (دارىلىك بۇلاۋ، تەرى اۋرۋلار بۇلاۋى، سۇيەك اۋرۋلار بۇلاۋى) ءادىسى، تۇزدى ىسىتىپ ىستىق وتكىزىپ ەمدەۋ قاتارلى ەرەكشە ەمدەۋ تەحنيكاسى بار، سونىمەن بىرگە، مەملەكەتتىڭ نەگىزدىك ءدارى تىزىمدىگى بەلگىلەمەسىنىڭ ءدارى تۇرىنە جاتاتىن ۇلتتىق دايىن دارىدەن 20 ءتۇرلى، جۇڭگوشا دايىن دارىدەن 200دەن استام، تابيعي جاسالعان دارىدەن 20 ءتۇرلىسى بار. باركول اۋداندىق قازاق ەمشىلىگى شيپاحاناسى باركول اۋدانىنداعى قازاقى ەمدەۋدەگى بوستىقتى تولتىرىپ، جۇڭگوشا - باتىسشا ەمدەۋگە، قازاقتىڭ ءداستۇرلى ەمدەۋ قاينارىن ۇشتاستىردى.

　　كەلۋ قاينارى: حالىق تورابى