حالىق تورابى، 10 – ءساۋىر، بەيجيڭ. شينحۋا اگەنتتىگىنىڭ حابارلاۋىنشا، ءۇندىستان ءمانساپتىسى 10 – ساۋىردە كەرالا شتاتى كلام ايماعىنداعى ءۇندى ءدىنى بۇتحاناسىندا سول كۇنى تاڭ سارىدە تۋىلعان ءورت اپاتىندا كەمىندە 110 ادامنىڭ قازا بولىپ، 390 ادامنىڭ جارالانعانىن ايتقان. ءۇندىستان پرەمەر – مينيسترى مودي سول كۇنى تۇستەن كەيىن ءورت اپاتى تۋىلعان بۇتحاناعا قىزمەتتى كوزدەن كەشىرۋگە باردى ءارى ناق مايداندا قۇتقارۋ ىستەرىنە جەتەكشىلىك ەتتى.
مودي ءورت اپاتى تۋىلعان جەردى كوزدەن كەشىرگەننەن كەيىن، ەمحاناعا بارىپ، وقيعادا جارالانعان بۇقارادان حال سۇرادى. ول ارميا مەن ۇكىمەت تاراۋلارىنا جارالانعانداردى كۇش سالا قۇتقارۋ، دەرەكسىز كەتكەندەردى كۇش سالا ىزدەستىرۋ تۋرالى نۇسقاۋ بەردى ءارى قازا بولعان ءاربىر ادامنىڭ وتباسىنا 200 مىڭ رۋپيا (شامامەن 2900 ا ق ش دوللارى) قامقورلىق قاراجاتىن بەرىلەتىنىن جاريالادى.
كەلۋ قاينارى: حالىق تورابى