التايدا 54 مىڭ مۋ قاعىر تاۋدى جاسىلداندىرۋ ينجەنەرياسى باستالدى

2016.04.20 14:28   كەلۋ قاينارى : حالىق تورابى

　　حالىق تورابى، 20 – ءساۋىر، بەيجيڭ. التاي قالاسىنىڭ 10 مىڭ تۇرعىنى 18 – ءساۋىر كۇنى ناروركەش تاۋىنا بارىپ اعاش ەگىپ، «13 – بەسجىلدىق» مەزگىلىندە 54 مىڭ مۋ قاعىر تاۋدى جاسىلداندىرۋ ينجەنەرياسىن باستاپ كەتتى. مولشەرمەن بيىل التايداعى ناروركەش تاۋىن جاسىلداندىرۋ اۋماعى 5000 مۋعا جەتىپ، 300 مىڭ تۇپتەن ارتىق قالامشا وتىرعىزىلادى.

　　سول كۇنى التاي قالاسىنداعى زەينەتكە شىققان قارت كادر سۇن جيانگو باسقا قارتتارمەن بىرگە ناروركەش تاۋىنا اعاش ەگۋ قيمىلىنا ەرىكتى قاتىناستى، ون مىڭنان استام اعاش ەگۋشىنىڭ اراسىندا قارتتار وزگەشە كوزگە شالىنادى. ءوز قولدارىمەن وتىرعىزعان قالامشالاردى كورگەندە، ولاردىڭ جۇزدەرىنەن كۇلكى ەستى. ول تىلشىلگە: التايدا ەرجەتتىم، الدىڭعى عاسىردىڭ 50 – جىلدارىندا گەنارال تاۋىندا، ناروركەش تاۋىندا قالىڭ ورمان مەن بۇتا – بۇرگەن اراسىندا قاسقىر بار بولاتىن، ادەتتە كەلۋدەن قورقاتىنبىز. الدىڭعى عاسىردىڭ 60 – جىلدارىندا ادامدار قىستا اعاشتى كەسىپ، وتىن رەتىندە جاققاندىقتان، ەكولوگيانىڭ ويراندالۋىنا اكەلىپ سوعىپ، قاعىر تاۋعا اينالعان. قازىر ۇكىمەت قاعىر تاۋدى كەڭ كولەمدە جاسىلداندىرۋدى قولعا الدى، بارلىمىز دا تاۋعا كەلىپ، كورىكتى مەكەنىمىزدى گۇلدەندىرۋدى قالايمىز. بولاشاقتا ۇرپاقتارىمىزدىڭ وسى ءبىر جاپ – جاسىل تاۋدى ۇناتانىنىنا سەنەمىز، - دەدى.

　　كەلۋ قاينارى: حالىق تورابى