بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>كوپ بەتتىك حابارلار

ءور تەكەستە «قىران» كىتاپ دۇكەننىڭ اشىلۋ سالتى جانە ورتالىق ۇلتتار باسپاسى قازاق رەداكسياسىنىڭ وقىرماندارمەن كەزدەسۋى دابىرالى وتكىزىلدى

2016.05.10 13:46   كەلۋ قاينارى : حالىق تورابى



  ارزىگۇل ابدەش قىزى حابارلايدى. «ىرىس الدى ــ ىنتىماق» دەيدى حالقىمىز. ءار سالادا تىزگىن ۇستاعان ازاماتتاردىڭ ىنتىماعىنىڭ ارقاسىندا، 2016 - جىلى 7 - مامىر كۇنى ءور تەكەستە تۇڭعىش رەت «قىران» كىتاپ دۇكەنى وقىرمانعا ەسىگىن اشتى. «قىران» اتتى بۇل كىتاپ دۇكەنى ورتالىق ۇلتتار باسپاسى قازاق رەداكسياسىنىڭ دەمەۋىندە، موڭعۇلكۇرە اۋداندىق پارتكوم ۇگىت ءبولىمىنىڭ جەتەكشىلىگىندە جانە قوناقاي بازارىندا جەكە كاسىپپەن شۇعىلدانىپ وتىرعان نۇرقادىر جاقۋان ۇلىنىڭ سەلبەسۋىندە اشىلدى.

  «قىران» كىتاپ دۇكەننىڭ اشىلۋ سالتىنا ورتالىق ۇلتتار باسپاسى قازاق رەداكسياسىنىڭ باستىعى باقىتبەك توقتاسىن ۇلى، اۋداندىق پارتكومنىڭ تۇراقتى مۇشەسى، اۋداندىق پارتكوم ۇگىت ءبولىمىنىڭ باستىعى جولدىباي جىرعالباي ۇلى، اۋداندىق وقۋ – اعارتۋ مەكەمەسىنىڭ پارتكوم شۋجيى انارباي سۇلتانمۇرات ۇلى، اقىن، زەرتتەرمەن، «ىلە كەشى» گازەتىنىڭ ادەبي رەداكتورى نۇربولات ءابدىقادىر، ورتالىق ۇلتتار باسپاسى قازاق رەداكسياسىنىڭ رەداكتورى عالىمبەك اقىل ۇلى جانە اۋداندىق ادەبيەت - كوركەمونەرشىلەر بىرلەستىگىنىڭ ءبىر ءبولىم مۇشەلەرى، مەكتەپ وقۋشىلارى، جەرگىلىكتى تۇرعىنداردان بولىپ، 80نەن استام ادام قاتىناستى. اۋداندىق پارتكوم ۇگىت ءبولىمى باستىعىنىڭ ورىنباسارى اكىمجان سابىربەك ۇلى سالتتى باسقاردى. باسپاگەر باقىتبەك توقتاسىن ۇلى «قىران» كىتاپ دۇكەنىن اشقان نۇرقادىر جاقۋان ۇلىنا «ورتالىق ۇلتتار باسپاسىنىڭ قىزمەت وتەۋ ورتالىعى» ماڭدايشالىعىن تابىس ەتتى.

  لەنتا قيۋ سالتىنان سوڭ، قاتىستى باسشىلار مەن وقىرماندار «قىران» كىتاپ دۇكەنىن كوزدەن كەشىردى. ءور تەكەس اتىرابىنداعى وقىرمانداردى كىلەڭ قازاق تىلىندەگى الۋان مازمۇندى 680 ءتۇرلى كىتاپپەن قامداعان بۇل كىتاپ ءۇيى قوناقاي بازارىنان ورىن الدى. دەمەك، بۇل موڭعۇلكۇرەدەگى وقىرماندار ءۇشىن قولايلى كىتاپ ساتىپ الۋ ورتاسىن جاراتىپ، كىتاپتىڭ تاعدىرىن نەگىزگى ساتىعا، اسىرەسە وقىرماندار قولىنا تىكەلەي تابىس ەتكەن ءبىر ەلەۋلى قيمىل بولىپ ەسەپتەلدى. وسىدان سوڭ ىلە - شالا «الۋان مادەنيەت ــ ءور تەكەستە كىتاپ مۇراتى» اتىندا باسپاگەر - رەداكتورلاردىڭ موڭعۇلكۇرەدەگى قالامگەرلەر - وقىرماندارمەن كەزدەسۋى بولدى.

  كەزدەسۋ بارىسىندا، انارباي سۇلتانمۇرات ۇلى، بالاپان ومار ۇلى، بارات تابىسبەك ۇلى، بارات كادىن ۇلى، باقتياش ساتىبالدى قىزى، نۇرحالەل نۇرسالين قاتارلى جەرگىلىكتى قالامگەر - اۆتورلار وقىرمانداردى كىتاپ وقۋعا جەبەۋ جاعىندا، باسپا مەن وقىرمان اراسىنداعى اۋىس –كۇيىستى جانداندىرۋعا كەرەك تارتىمدى ۇسىنىستارىن ورتاعا قويدى ءارى جاستاردى كىتاپ وقۋعا شابىتتاندىرۋ، ارنايى كىتاپ وقۋ ۋاقىتىن بەلگىلەۋ، ادەبيەت كۋرجەگىندەگى وقۋشىلاردىڭ كىتاپ وقۋىن ارناعا ءتۇسىرىپ، ادەبيەتكە تالپىنىسى بار وقۋشىلاردى باۋلۋ، كىتاپ وقۋ كوشەسىن قۇرۋ، ەمحانالاردا، قاتىناس بەكەتتەرىندە كىتاپ سورە قويۋ سياقتى جان - جاقتى تىلەك - پىكىرلەردى تارازىلاپ، وسى جولعى جەكە كىتاپ ۇيىنە جەمىستى بولاشاق تىلەدى.

  ەرەكشە اتاۋعا بولاتىنى ـــ جۋىرداعى جىلداردان بەرى، موڭعۇلكۇرە اۋدانى وڭىرلىك ساياحاتتى دامىتۋ ستراتەگياسىن جاپپاي اتقارۋمەن بىرگە، مادەنيەت - كوركەمونەر ىستەرىنىڭ دامۋىن زور كۇشپەن جەبەدى، ادەبيەت - كوركەمونەرشىلەر بىرلەستىگى جانە ونىڭ قاراماعىنداعى 5 قوعامدى ءساتتى قۇردى. بۇكىل حالىقتى كىتاپ وقۋعا جەبەۋ ءۇشىن، 2015 - جىلى ءساۋىر ايىندا، «كىتاپ وقۋ سىزدەن، ەسەپتەن كوتەرۋ بىزدەن» تاقىرىبىندا، وقىرماندار كىتاپ ساتىپ السا، اقشاسىن ۇكىمەت ەسەبىنەن كوتەرىپ بەرەتىن قيمىل ورىستەتتى. ۇستەگى جىلى ايەلدەر بىرلەستىگى جاعىنان ايەلدەردى كىتاپ وقۋعا جەبەۋ قيمىلىن، «مەنىڭ وتباسىمداعى كىتاپ سورە» اتتى سيلاۋ -ماداقتاۋ قيمىلىن وتكىزىپ، تۇتاس اۋدانداعى وقىرمانداردى ءوز وتباسىنىڭ كىتاپ ءۇيىن جۇرتپەن جۇزدەستىرىپ، كىتاپ وقۋعا ورتاق باسەكەگە شاقىردى.

  كەلۋ قاينارى: حالىق تورابى

【1】 【2】 【3】 
جاۋاپتى رەداكتورى : نۇرعيسا قۇرمانجان ۇلى

 سۋرەت