جاڭ چۇنشيان التاي ايماعىندا تەكسەرۋ - زەرتتەۋ جۇرگىزگەندە كەدەيلىكتەن قۇتىلدىرىپ، شەكارانى بەكەمدەۋدى كورنەكتى ورىنعا قويۋدى باسا دارىپتەدى

2016.05.12 13:22   كەلۋ قاينارى : حالىق تورابى

　　ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس – قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان 9 – مامىردان 11 – مامىرعا دەيىن التاي ايماعىندا كەدەيلىكتەن قۇتىلدىرۋدا قامال الىپ، حالىقتى اۋقاتتاندىرۋ، شەكارانى بەكەمدەۋ قىزمەتىن كوزدەن كەشىردى. سۋرەتتە: جاڭ چۇنشيان 10 – مامىر كۇنى تۇستەن بۇرىن جەمەنەي اۋدانى توپان قىستاعىنداعى قازاق شەكارا قورعاۋشى ءابىلقان ءىلياس ۇلىنىڭ (وڭنان ەكىنشى) ۇيىندە قىستاقتاعى شەكارا قورعاۋ قىزمەتكەرلەرىمەن بىرگە وتىرىپ، ولاردان وتباسىلارىنىڭ جاعدايىن ۇعىستى جانە شەكارانى قورعاۋ قىزمەتىنە دەگەن ۇسىنىس – پىكىرلەرىن تىڭدادى. شينجياڭ گازەتىنىڭ ءتىلشىسى لۋ مين – ي فوتوسى

　　حالىق تورابى، 12 – مامىر، بەيجيڭ. ءتاڭىرتاۋ تورابىنىڭ حابارلاۋىنشا، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ اسكەري رايونى پارتكومىنىڭ ءبىرىنشى شۋجيى، شينجياڭ ءوندىرىس – قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان 9 – مامىردان 11 – مامىرعا دەيىن التاي ايماعىندا قىزمەتتى كوزدەن كەشىردى. ول بىلاي دەپ اتاپ كورسەتتى: «جاڭالىق اشا دامۋ، سايكەستى دامۋ، تابيعي دامۋ، اشىق دامۋ، يگىلىككە بىرگە كەنەلەتىن دامۋ» سىندى دامۋ تانىمىن دايەكتىلەندىرىپ، «ەكولوگيانى قورعاۋ، باسىمدىلىقتى ۇستەۋ، حالىق تۇرمىسىن كورنەكتىلەندىرۋ، ەرەكشەلىك قالىپتاستىرۋ، ۇزدىك بولۋعا ۇمتىلۋ» سىندى ناقتى باعداردى ۇزدىكسىز ويداعىداي تياناقتاندىرىپ، كەدەيلىكتەن قۇتىلدىرۋ، شەكارانى بەكەمدەۋ قىزمەتىن كورنەكتى ورىنعا قويىپ، ۇلتتار ىنتىماعىن العا باستىرۋ ۇلگىسى بولىپ، التايدى اناعۇرلىم كوركەم ەتىپ قۇرىپ شىعايىق.

　　ەلىمىزدىڭ شينجياڭداعى شەكارا سىزىعىنىڭ ۇزىندىعى 5700 كيلومەتر بولىپ، شينجياڭ ەلىمىزدىڭ شەتەلمەن قۇرىلىقتىق شەكارا سىزىعى ەڭ ۇزىن ولكە. جارىم ايدىڭ الدىندا جاڭ چۇنشيان قايتكەندە شەكارا حالقىنىڭ الاڭسىز تىرشىلىك ەتىپ، وندىرىسپەن شۇعىلدانۋىنا، شەكارانى قورعاۋىنا كەپىلدىك ەتۋگە بولادى دەگەن ماسەلەنى توڭىرەكتەي وتىرىپ، قىزىلسۋ قىرعىز اۆتونوميالى وبلىسىندا قىزمەتتى كوزدەن كەشىرگەن، بۇل رەت شينجياڭنىڭ ەڭ سولتۇستىك مۇيىسىندەگى التاي ايماعىنا بارىپ كوزدەن كەشىرۋدەگى ماقساتى ــ حالىقتىڭ تۇرمىسى مەن ءوندىرىس جاعدايىن اناعۇرلىم ىشكەرىلەي ۇعىسىپ، كەدەيلىكتەن قۇتىلدىرۋدا قامال الۋ، حالىقتى اۋقاتتاندىرۋ، شەكارانى بەكەمدەۋ سىندى ءتۇرلى قىزمەتتەردى ويداعىداي ىستەۋ.

　　جاڭ چۇنشيان قاتارلىلار جەمەنەي اۋدانى، قابا اۋدانى، بۋىرشىن اۋدانى، التاي قالاسى قاتارلى جەرلەرگە باردى، اۆتوكولىكپەن شەكارا سىزىعىن بويلاي الەۋمەتتىك وڭىرلەرگە، مالشىلاردىڭ وتباسىنا، قاراۋىلحانالارعا، قوسىندارعا، كاسىپورىندارعا بارىپ، حالىق تۇرمىسى مەن جەرگىلىكتى ورىننىڭ ەكونوميكالىق جانە قوعامدىق احۋالىن ۇعىستى، كادرلار مەن بۇقارانىڭ كوڭىل ءبولىپ وتىرعان ماسەلەلەرىن تىڭداپ، كوپشىلىكپەن حالىقتى اۋقاتتاندىرىپ، شەكارانى بەكەمدەۋ، كەدەيلىكتەن قۇتىلدىرۋدا قامال الۋ ىستەرىن ىشكەرىلەي كەڭەستى.

　　شەكارا حالقىنىڭ تۇرمىس دەڭگەيىن جوعارىلاتىپ، ۇزاق بولاشاقتى كوزدە ۇستاي وتىرىپ شەكارانى قورعاۋ، شەكارا حالقىن اۋقاتتاندىرۋ، شەكارانى بەكەمدەۋدى ىسكە اسىرايىق

　　جاڭ چۇنشيان قاتارلىلار جەمەنەي اۋدانىنا كەلدى. بۇل ارا تاريحتان بەرى شينجياڭنىڭ سولتۇستىگىندەگى شەكارا قورعانىسىنداعى ماڭىزدى قالاشىق، شينجياڭداعى جەر بەتى سۋ بايلىعى ەڭ از اۋدان، مەملەكەتتىك سۇيەمەلدەۋ - كوركەيتۋ قىزمەتىندەگى ءتۇيىندى اۋدان.

　　شەكارا قورعاۋشىلار ۇزاق ۋاقىت بويى شەكارا وڭىردە مال شارۋاشىلىعىمەن شۇعىلدانىپ، شەكارانى كۇزەتىپ جانە قورعاپ، ءۇنسىز ەڭبەك ەتىپ كەلەدى، جاڭ چۇنشيان باستان – اياق ولاردىڭ قامىن جەپ، وسى جولى جەمەنەي اۋدانى توپان قىستاعىنداعى شەكارا قورعاۋشىنىڭ ۇيىنە ارنايى ات باسىن بۇرىپ، شەكارا قورعاۋشىلاردان حال سۇرادى. بۇل ارادا 4 مالشى وتباسى تۇرادى، ءار وتباسىندا بىردەن شەكارا قورعاۋشى بار.

　　«سالەمەتسىڭ بە، ماقسات!» جاڭ چۇنشيان كونە كوز دوسىن بىردەن تانىدى، 2011 – جىلى وسى اراعا قىزمەتتى كوزدەن كەشىرە كەلگەندە ول ماقساتتىڭ وتباسىنداعىلاردان حال سۇراي كەلگەن. قازىر ماقسات اكەسىنىڭ قولىنان بۇل جۇمىستى وتكىزىپ الىپ، شەكارانى كۇزەتىپ، شەكارانى قورعاعان 30 جىلدىق ۇلگىلى ىستەرى بالالار وقۋلىعىنا ەنگىزىلدى. جاڭ چۇنشيان شەكارا قورعاۋشىلارمەن بىردەن قول الىسىپ، ءوزارا اماندىق سۇراستى، شەكارا قورعاۋشى ءابىلقاننىڭ ۇيىنە باس سۇعىپ، ونىڭ وتباسىنداعىلارمەن بىرگە وتىرىپ، ولاردان وتباسى جاعدايىن ۇعىستى ءارى شەكارا قورعاۋ قىزمەتى تۋرالى ۇسىنىس – پىكىرلەرىن تىڭدادى.

　　ءابىلقاننىڭ ءۇي ءىشى جۇپىنى، تامعا ىلىنگەن ءدۇربى مەن «شەكارا قورعاۋشىلار ەرەجەسى» كوزگە بىردەن ۇرىلادى. ءابىلقان شەكارا قورعانىس كەزەكشىلىك تىزىمدىگىن الىپ شىقتى، داپتەرگە شەكارا قورعاۋشىلاردىڭ كۇندەلىك شارلاۋ ۋاقىتى، جولى، شارلاۋعا شىققان ادام، كەزەكشىلىك قىسقاشا جاعدايى قاتارلى مالىمەتتەر قۇنىتتىلىقپەن ەستەلىككە الىنىپتى. ول قىزى مەن كۇيەۋ بالاسىن تاۋعا اكەلىپ، ولاردى شەكارا كۇزەتۋگە، شەكارا قورعاۋعا باۋلىپ، ءوزىنىڭ 40 نەشە جىلدان بەرگى تاجىريبەسى مەن شەكارانى كۇزەتۋ، شەكارانى قورعاۋ سىندى داڭقتى مىندەتتى ۇرپاقتان – ۇرپاققا جالعاستىرا بەرۋ ويىندا ەكەن.

　　جاڭ چۇنشيان بىرنەشە ۇرپاق شەكارا قورعاۋشىلاردىڭ شەكارانىڭ ورنىقتىلىعىنا قوسقان ۇلەسىن تۇراقتاندىردى. ول بىلاي دەدى: ءار دارەجەلى حالىق ۇكىمەتى مەملەكەت قورعانىسى ، شەكارا قورعانىسى، شەكارانى كۇزەتۋ جونىندەگى تانىمىن كۇشەيتىپ، شەكارا ءوڭىردىڭ ءوندىرىس – تۇرمىس شارت – جاعدايىن ۇزدىكسىز جاقسارتىپ، شەكارا حالقىنىڭ تۇرمىس ورەسىن جوعارىلاتىپ، ۇزاق بولاشاقت كوزدە ۇستاي وتىرىپ شەكارانى كۇزەتۋ، شەكارا حالقىن اۋقاتتاندىرۋ، شەكارانى بەكەمدەۋدى ىسكە اسىرۋى كەرەك.

　　كەلۋ قاينارى: حالىق تورابى