11 – مامىر كۇنى شينجياڭ بايىنعولىن وبلىسىندا قۇمدى بوران سوقتى، چەرشەن اۋداندىق اۋا رايى ستانسياسىنى ساعات 13تەن 16 مينۋت وتكەندە قۇمدى بوراننىڭ قىزعىلىت ءتۇستى ساقتىق سەگنالىن جاريالادى،اۋدان قالاشىعىندا قۇمدى بوران سوعىپ، كورىنىمدىلىك مولشەرى 500 مەترگە جەتپەدى. قالا تۇرعىندارى سىرتقا شىققاندا ماسكا تاقتى، اۆتوموبيلدەر باياۋ قوزعالىپ، بيداي اتىزدارى ىقپالعا ۇشىراپ، ءىشىنارا اتىزداردا ءبيداي مايسالارىن جەل جاپىرىپ كەتتى. شينجياڭ اۋا رايى تاراۋلارىنىڭ 11 – مامىردا جاريالاعان مالىمەتىنە قاراعاندا، بۇگىن (11 – مامىر) جانە ەرتەڭ اقسۋ ايماعى، بايىنعولىن وبلىسى، حوتان ايماعى قاتارلى جەرلەردە بوز بوران جانە قۇمدى بوران سوعىپ، اۋىل شارۋاشىلىعى وندىرىسىنە، قاتىناسقا ىقپال كورسەتەدى، 11 – مامىردا بايىنعولىن وبلىسى كورلا قالاسىندا تاعى دا بوران سوعىپ، كورلا قالاسىنىڭ شىعىس وڭتۇستىك بولەگىندە مەزەتتىك جەل كۇشى 8 بالعا جەتتى. بولات نياز فوتوسى
كەلۋ قاينارى: حالىق تورابى